1 Ишмуил 5:1—12
5 Филиштлиләр Аллаһын сандығыны әлә кечирәндән сонра+ ону Ибнәзәрдән Ашдода апардылар.
2 Онлар Аллаһын сандығыны Дагонун евинә апарыб Дагонун һејкәлинин јанына гојдулар.+
3 Ертәси ҝүн ашдодлулар тездән галханда ҝөрдүләр ки, Дагонун һејкәли Јеһованын сандығынын гаршысында үзүстә јерә дүшүб.+ Онлар Дагону галдырыб өз јеринә гојдулар.+
4 Нөвбәти ҝүн сәһәр тездән дуранда ҝөрдүләр ки, Дагон јенә Јеһованын сандығынын гаршысында үзүстә јерә јыхылыб, башы вә әлләри биләкдән кәсилиб кандара дүшүб, тәкҹә балыға бәнзәр бәдәни бүтөв галыб.
5 Буна ҝөрә дә Дагон каһинләри вә Дагонун евинә ҝирәнләр бу ҝүнәдәк Дагонун Ашдоддакы евинин кандарына ајаг басмырлар.
6 Јеһованын әли ашдодлулара гаршы галхды. О, Ашдоду әтраф әразиси гарышыг бабасил хәстәлијинә дүчар едиб ҹамааты бөјүк дәрдә мүбтәла етди.+
7 Ашдодлулар вәзијјәти белә ҝөрәндә дедиләр: «Исраилин Аллаһынын сандығы биздә галмасын, чүнки Онун әли бизә вә аллаһымыз Дагона гаршы јаман галхыб».
8 Беләҹә, онлар хәбәр ҝөндәриб бүтүн Филишт һакимләрини топладылар вә онлардан сорушдулар: «Исраилин Аллаһынын сандығы илә нә едәк?» Онлар: «Исраилин Аллаһынын сандығыны Ҹата+ апарын», — дедиләр. Исраилин Аллаһынын сандығыны ора апардылар.
9 Сандығы ора апарандан сонра Јеһованын әли о шәһәрә гаршы галхды вә шәһәрдә ваһимә јаратды. О, бөјүкдән кичијә кими шәһәрин бүтүн әһалисини вурду вә онларда бабасил чыхды.+
10 Буна ҝөрә дә Аллаһын сандығыны Екрона+ ҝөндәрдиләр, амма Аллаһын сандығы ора чатар-чатмаз екронлулар һарај-һәшир гопардылар: «Онлар бизи вә халгымызы мәһв етмәк үчүн Исраилин Аллаһынын сандығыны бура ҝәтирибләр!»+
11 Онлар хәбәр ҝөндәриб бүтүн Филишт һакимләрини топладылар вә дедиләр: «Исраилин Аллаһынын сандығыны бурадан узаглашдырын, ону өз јеринә гајтарын ки, биз вә халгымыз өлмәјәк». Бүтүн шәһәри өлүм горхусу бүрүмүшдү. Аллаһ онлары бәрк ҹәзаландырырды.+
12 Сағ галанлар исә бабасил хәстәлијинә дүчар олмушду. Шәһәрин фәрјады әршә галхмышды.
