2 Падшаһлар 14:1—29
14 Исраил падшаһы Јәһәз оғлу Јуәсин һакимијјәтинин икинҹи илиндә+ Јуәс оғлу Амисај Јәһуданын падшаһы олду.
2 О, ијирми беш јашында тахта чыхды вә ијирми доггуз ил Јерусәлимдә һакимијјәт сүрдү. Онун анасы јерусәлимли Јәһуәддин иди.+
3 Амисај Јеһованын бәјәндији ишләри ҝөрүрдү, амма әҹдады Давуд кими дејилди.+ О, атасы Јуәсин јолу илә ҝетди.+
4 Сәҹдәҝаһлар јох едилмәмишди,+ халг һәлә дә сәҹдәҝаһларда гурбан ҝәтирир, гурбан түстүсү тәгдим едирди.+
5 Һакимијјәт әлиндә мөһкәмләнән кими Амисај атасы падшаһы гәтлә јетирән әјанлары өлдүрдү.+
6 Амма гатилләрин оғулларыны өлдүрмәди. Чүнки Мусанын Төвратында* Јеһова бујурмушду: «Ата өвладына ҝөрә, өвлад да атасына ҝөрә өлдүрүлмәмәлидир. Һәр кәс өз ҝүнаһына ҝөрә өлдүрүлмәлидир».+
7 Амисај Дуз вадисиндәки дөјүшдә 10 000 әдумини гырды+ вә Селаны алыб адыны Југтил гојду.+ Оранын ады бу ҝүнәдәк беләдир.
8 Амисај Исраил падшаһы Јәһу оғлу Јәһәзин оғлу Јуәсә гасидләр ҝөндәриб деди: «Чых мејдана, дөјүшәк!»+
9 Исраил падшаһы Јуәс Јәһуда падшаһы Амисаја ҹаваб верди: «Ливанда гангал сидр ағаҹына хәбәр ҝөндәрди: “Гызыны оғлума вер”. Амма бир чөл һејваны гангалы тапдалајыб кечди.
10 Дүздүр, сән Әдуму дармадағын етмисән.+ Она ҝөрә дә үрәјин гүрурланыб. Ҝет отур евиндә гәләбәнә севин. Сәнә лазымдыр ки, башына бәла ачыб Јәһуданы да өзүнлә бәрабәр учурума сүрүкләјәсән?»
11 Амма Амисај гулаг асмады.+
Исраил падшаһы Јуәс ҝәлди вә Јәһуда падшаһы Амисајла Јәһуданын Бејт-Шәмс+ шәһәриндә гаршылашды.+
12 Јәһудалылар Исраилә мәғлуб олдулар. Һәр кәс өз евинә гачды.
13 Исраил падшаһы Јуәс Бејт-Шәмсдә Јәһуда падшаһы Әһәзја оғлу Јуәсин оғлу Амисајы әсир ҝөтүрүб Јерусәлимә ҝәлди. Јуәс Әфраим дарвазасындан+ Күнҹ дарвазаја+ гәдәр Јерусәлим диварынын 400 гулаҹыны* учуртду.
14 О, Јеһованын мәбәдиндә вә сарајын хәзинәсиндә олан бүтүн гызыл-ҝүмүшү вә әшјалары јығыб әсирләрлә бирликдә Сәмәријјәјә апарды.
15 Јуәсин галан ишләри, бүтүн етдикләри, гүдрәти вә Јәһуда падшаһы Амисајла дөјүшү Исраил падшаһларынын тарихи китабында јазылмышдыр.
16 Јуәс ата-бабаларына говушду вә Сәмәријјәдә Исраил падшаһларынын јанында дәфн едилди.+ Оғлу Әрубам*+ онун јеринә тахта чыхды.
17 Јәһуда падшаһы Јуәс оғлу Амисај+ Исраил падшаһы Јәһәз оғлу Јуәсин өлүмүндән сонра он беш ил јашады.+
18 Амисајын галан ишләри Јәһуда падшаһларынын тарихи китабында јазылмышдыр.
19 Ахырда Јерусәлимдә она гаршы суи-гәсд гурдулар.+ О, Лаһишә гачды. Амма далынҹа адамлар ҝөндәриб ону орада өлдүрдүләр.
20 Ҹәсәдини атларын үстүндә ҝәтириб Јерусәлимдә, Давуд шәһәриндә ата-бабаларынын јанында дәфн етдиләр.+
21 Јәһуда халгы он алты јашлы Әзријаны*+ атасы Амисајын јеринә тахта чыхартды.+
22 Падшаһ ата-бабаларына говушандан сонра Әзрија Елаты+ Јәһудаја гајтарды вә бәрпа етди.+
23 Јәһуда падшаһы Јуәс оғлу Амисајын һакимијјәтинин он бешинҹи илиндә Исраил падшаһы Јуәс оғлу Әрубам+ Сәмәријјәдә тахта чыхды вә гырх бир ил һакимијјәт сүрдү.
24 О, Јеһованын бәјәнмәдији пис ишләр ҝөрүр, Нәбат оғлу Әрубамын Исраили сүрүкләдији ҝүнаһлардан+ дөнмүрдү.
25 О, Исраилин Аллаһы Јеһованын өз гулу ҹат-һәфәрли+ Амитај оғлу Јунус пејғәмбәр+ васитәсилә дедији кими, Ләбу-Һәмәсдән+ Әрәбә дәнизинәдәк*+ Исраилин сәрһәдләрини бәрпа етди.
26 Чүнки Јеһова Исраилин чәкдији ағыр зүлмү ҝөрмүшдү.+ Исраилин дадына јетишмәк үчүн бир кимсә, бир бичарә, бир заваллы белә, галмамышды.
27 Амма Јеһова вәд етмишди ки, Исраилин ады ҝөјләр алтындан силинмәјәҹәк.+ Она ҝөрә дә О, Јуәс оғлу Әрубамын әли илә Исраили гуртарды.+
28 Әрубамын галан ишләри, бүтүн етдикләри, гүдрәти, неҹә дөјүшмәси, Дәмәшги+ вә Һәмәси+ Јәһуда илә Исраилин табелијинә салмасы Исраил падшаһларынын тарихи китабында јазылмышдыр.
29 Әрубам ата-бабаларына, Исраил падшаһларына говушду. Оғлу Зәкәријјә+ онун јеринә тахта чыхды.
Һашијәләр
^ Тәх. 178 м. 1 гулаҹ 44,5 см-ә бәрабәрдир. Б14 әлавәсинә бах.
^ II Әрубам.
^ Мәнасы: Јеһова көмәк етди. 2Пд 15:13; 2См 26:1—23; Әш 6:1; Зк 14:5 ајәләриндә Үзијјә.
^ Шор дәниз, јәни Өлү дәниз.
