2 Падшаһлар 21:1—26
21 Мәнәссә+ тахта чыханда он ики јашында иди вә әлли беш ил Јерусәлимдә һакимијјәт сүрдү.+ Анасынын ады Һәфсиба иди.
2 Мәнәссә Јеһованын бәјәнмәдији пис ишләр ҝөрдү, Јеһованын Исраил халгынын өнүндән говдуғу халгларын ијрәнҹ ишләрини тәкрар етди.+
3 О, атасы Һизгијјәнин дағытдығы+ сәҹдәҝаһлары бәрпа етди, Исраил падшаһы Әһәб кими, Баал үчүн гурбанҝаһлар тикди, Ашера бүтләри дүзәлтди,+ сәма ордусуна сәҹдә гылыб гуллуг етди.+
4 Јеһованын «адымы Јерусәлимдә јашадаҹағам» дедији јердә,+ Јеһованын мәбәдиндә гурбанҝаһлар тикди.+
5 О, Јеһованын мәбәдинин ики һәјәтиндә+ бүтүн сәма ордусуна гурбанҝаһлар тикди.+
6 Оғлуну одда јандырды, сеһрбазлыг етди, фала бахды,+ ҹиндарлар, бахыҹылар тәјин етди.+ Јеһованын бәјәнмәдији мәнфур ишләр ҝөрүб Ону тәһгир етди.
7 Мәнәссә дүзәлтдији Ашера ојма бүтүнү+ мәбәдә гојду. О мәбәдә ки, онун һаггында Јеһова Давуда вә оғлу Сүлејмана демишди: «Бу мәбәд вә Исраил гәбиләләринин шәһәрләри арасындан сечдијим Јерусәлим һәмишәлик адымы дашыјаҹаг.+
8 Әҝәр исраиллиләр онлара вердијим бујруглара, гулум Мусанын вердији Гануна дәгигликлә әмәл етсәләр,+ бир дә онлары әҹдадларына вердијим өлкәдән дидәрҝин салмајаҹағам».+
9 Анҹаг онлар гулаг асмадылар. Мәнәссә онлары јолдан чыхарды, онлары Јеһованын исраиллиләрин өнүндән јох етдији халглардан+ да бетәр ишләрә сүрүкләди.
10 Јеһова пејғәмбәрләри васитәсилә дејирди:+
11 «Јәһуда падшаһы Мәнәссә бүтүн бу мәнфур ишләри ҝөрдүјү үчүн, өзүндән габаг јашајан амориләрдән+ дә бешбетәр даврандығы үчүн,+ ијрәнҹ бүтләрилә Јәһуданы ҝүнаһа сүрүкләдији үчүн
12 Исраилин Аллаһы Јеһова белә дејир: “Јерусәлимлә Јәһуданын башына елә бәла ҝәтирәҹәјәм ки,+ ешидәнләрин ики гулағы да ҹинҝилдәјәҹәк.+
13 Сәмәријјәни+ өлчдүјүм өлчү ипи+ илә Јерусәлими дә өлчәҹәјәм, Әһәб еви үчүн ишләтдијим таразы* онун үчүн дә ишләдәҹәјәм,+ касаны неҹә силиб үзүстә гојурларса, Јерусәлими дә елә силәҹәјәм.+
14 Ирсимдән галанлары атаҹағам,+ онлары дүшмән әлинә верәҹәјәм. Дүшмәнләр онлары талан едиб әсир апараҹаг.+
15 Чүнки бәјәнмәдијим пис ишләр ҝөрдүләр, әҹдадлары Мисирдән чыхандан бу ҝүнәдәк Мәни тәһгир етдиләр”».+
16 Мәнәссә Јеһованын бәјәнмәдији пис ишләр ҝөрәрәк Јәһуданы ҝүнаһа сүрүкләмәкдән әлавә, чохлу ҝүнаһсыз ган төкдү, Јерусәлими гана гәрг еләди.+
17 Мәнәссәнин галан ишләри, бүтүн етдикләри, ҝүнаһлары Јәһуда падшаһларынын тарихи китабында јазылмышдыр.
18 Мәнәссә ата-бабаларына говушду, ону сарајындакы бағда, Үзза бағында дәфн етдиләр.+ Оғлу Амун онун јеринә тахта чыхды.
19 Амун+ тахта чыханда ијирми ики јашында иди вә ики ил Јерусәлимдә һакимијјәт сүрдү.+ Онун анасы јүтбәли Хәрузун гызы Мәсәлимәт иди.
20 Амун атасы Мәнәссә кими, Јеһованын бәјәнмәдији пис ишләр ҝөрдү,+
21 атасынын јолу илә ҝетди, атасынын ибадәт етдији ијрәнҹ бүтләрә сәҹдә гылыб ибадәт етди.+
22 О, ата-бабаларынын Аллаһы Јеһовадан үз дөндәрди, Јеһованын јолу илә ҝетмәди.+
23 Амунун әјанлары суи-гәсд гуруб ону өз евиндә өлдүрдүләр.
24 Амма халг Амун падшаһа суи-гәсд гуранларын һамысыны өлдүрдү вә оғлу Јушијјәни онун јеринә тахта чыхарды.+
25 Амун падшаһын галан ишләри, бүтүн етдикләри Јәһуда падшаһларынын тарихи китабында јазылмышдыр.
26 Ону Үзза бағындакы гәбриндә дәфн етдиләр.+ Оғлу Јушијјә+ онун јеринә тахта чыхды.
Һашијәләр
^ Јахуд шагулу.
