2 Салнамәләр 28:1—27
28 Әһәз+ тахта чыханда ијирми јашында иди вә он алты ил Јерусәлимдә һакимијјәт сүрдү. О, әҹдады Давуддан фәргли олараг, Јеһованын бәјәндији ишләри ҝөрмәди.+
2 Исраил падшаһларынын јолу илә ҝетди,+ һәтта Баалларын төкмә бүтләрини дүзәлтди.+
3 О, Јеһованын исраиллиләрин өнүндән говдуғу халгларын ијрәнҹ әмәлләрини тәкрарлајараг Бәни-Һинном вадисиндә* гурбан түстүсү тәгдим етди вә оғулларыны одда јандырды.+
4 О, даим сәҹдәҝаһларда, тәпәләрдә, һәр ҝур јарпаглы ағаҹын алтында+ гурбан ҝәтириб, гурбан түстүсү тәгдим едирди.+
5 Одур ки, Аллаһы Јеһова ону Арам падшаһынын әлинә верди.+ Арамиләр ону мәғлуб етдиләр, чохлу әсир ҝөтүрүб Дәмәшгә+ апардылар. Аллаһ Әһәзи Исраил падшаһына да тәслим етди. Исраил падшаһы ону бөјүк тәләфата уғратды.
6 Рәмали оғлу Фәга+ Јәһудада бир ҝүндә 120 000 иҝиди гәтлә јетирди, чүнки онлар ата-бабаларынын Аллаһы Јеһованы тәрк етмишдиләр.+
7 Әфраимли дөјүшчү Зәкри падшаһын оғлу Мәсејјәни, ешикағасы Әзригәми вә падшаһдан сонра икинҹи олан Әлгәнаны өлдүрдү.
8 Бундан әлавә, исраиллиләр сојдашларындан* 200 000 нәфәри, онларын гадынларыны, оғул-гызларыны әсир ҝөтүрдүләр, чохлу гәнимәт әлә кечириб Сәмәријјәјә+ апардылар.
9 Орада Јеһованын Одид адында бир пејғәмбәри вар иди. О, Сәмәријјәјә гајыдан ордунун гаршысына чыхыб деди: «Ешидин! Ата-бабаларынызын Аллаһы Јеһова јәһудалылара гәзәбләндији үчүн онлары сизә тәслим етди.+ Сиз исә онлары елә амансызлыгла гәтлә јетирдиниз ки, сәдасы ҝөјләрә ҝедиб чыхды.
10 Инди дә Јәһуда вә Јерусәлим әһлини өзүнүзә гул-гарабаш етмәк истәјирсиниз.+ Мәҝәр өзүнүз Аллаһыныз Јеһованын гаршысында тәмизсиниз?
11 Инди мәнә гулаг асын! Әсир ҝөтүрдүјүнүз сојдашларынызы ҝери гајтарын, Јеһова сизә чох гәзәбләниб».
12 Бу вахт Әфраим башчыларындан Јәһукәнан оғлу Әзрија, Мәшилмут оғлу Бәрхија, Сәллум оғлу Јәһизгијјә, Һадлај оғлу Амасса јүрүшдән ҝәлән гошунун гаршысына чыхыб
13 деди: «Әсирләри бура ҝәтирмәјин, јохса Јеһованын гаршысында ҝүнаһа батарыг. Бу һәрәкәтинизлә ҝүнаһымызын үстүнә ҝүнаһ, тәгсиримизин үстүнә тәгсир ҝәтирәҹәксиниз. Онсуз да ҝүнаһымыз чохдур. Аллаһ Исраилә бәрк гәзәбләниб».
14 Беләҹә, силаһлы әсҝәрләр әсирләри вә гәнимәти+ башчыларын вә бүтүн иҹманын ихтијарына вердиләр.
15 Адбаад тәјин олунмуш адамлар галхдылар вә әсирләри ҝөтүрүб чылпаг оланлара гәнимәтин арасындан палтар вердиләр. Әјинләринә палтар, ајагларына сәндәл ҝејиндирдиләр, једириб-ичирдиләр, бәдәнләринә јағ сүртдүләр. Ҹанында тагәт галмајанлары улаға миндирдиләр. Әсирләрин һамысыны хурма ағаҹлары шәһәринә, Әриһаја, сојдашларынын јанына апардылар. Өзләри исә Сәмәријјәјә гајытдылар.
16 Бу заман Әһәз падшаһ Ашшур падшаһларындан көмәк истәди.+
17 Әдумиләр јенә Јәһудаја һүҹум етдиләр вә јәһудалылары әсир апардылар.
18 Филиштлиләр+ Јәһуданын Шәфла+ вә Неҝев бөлҝәсиндәки шәһәрләрә басгын етдиләр. Бејт-Шәмси+, Ајалону+, Ҹәдаруту тутдулар, Сого, Тимнаһ+, Ҝимзә вә онларын әтраф шәһәрләрини истила етдиләр вә орада мәскунлашдылар.
19 Беләҹә, Исраил падшаһы Әһәзә ҝөрә Јеһова Јәһуданы алчалтды. Чүнки Әһәз Јеһоваја гаршы хаинлик етмишди. О, Јәһудада позғунлуғун баш алыб-ҝетмәсинә баис олмушду.
20 Ахырда Ашшур падшаһы Тиглатпаласар+ Әһәзин үстүнә ҝәлди. Она көмәк етмәк әвәзинә, ону сыхышдырды+.
21 Вахтилә Әһәз Јеһованын евиндә, сарајда вә әјанларын евләриндә нә вар идисә, һамысыны Ашшур падшаһына һәдијјә еләмишди.+ Амма бунун она һеч бир көмәји дәјмәди.
22 Чәтин ҝүнүндә Әһәз падшаһ Јеһоваја даһа бетәр хәјанәт етди.
23 О, ону мәғлуб етмиш дәмәшглиләрин аллаһларына гурбан ҝәтирмәјә башлады.+ О деди: «Арам падшаһларынын аллаһлары онлара көмәк едирләр. Онлара гурбан кәсим ки, мәнә дә көмәк етсинләр».+ Амма бу аллаһлар ону вә бүтүн Исраили јыхды.
24 Әһәз Аллаһын евиндәки әшјалары јығыб онлары парча-парча етди.+ Сонра Јеһованын евинин гапыларыны бағлады+ вә Јерусәлимин һәр тининдә өзү үчүн гурбанҝаһ дүзәлтди.
25 Башга аллаһлара гурбан түстүсү тәгдим етмәк үчүн Јәһуданын бүтүн шәһәрләриндә сәҹдәҝаһлар дүзәлтди+ вә бунунла ата-бабаларынын Аллаһы Јеһованы гәзәбләндирди.
26 Әһәзин галан ишләри, илк ишләриндән сон ишләринә гәдәр һамысы Јәһуда вә Исраил падшаһларынын китабында јазылыб.+
27 Әһәз ата-бабаларына говушду, ону Јерусәлим шәһәриндә дәфн етдиләр. Амма Исраил падшаһларынын гәбиристанлығында дәфн етмәдиләр.+ Оғлу Һизгијјә онун јеринә тахта чыхды.
