Һәр ил гејри-фәал мәсиһиләрин бир чоху анма мәрасиминә ҝәлир. Бир вахтлар онлар һәјат уғрунда јарышда, неҹә дејәрләр, гачмаға башлајыб, амма бәзи сәбәбләрә ҝөрә сонрадан сүрәти зәифләдибләр («Јеһоваја ҝери дөн» брошүрүндә бу сәбәбләрдән бәзиләри ҝәтирилир) (Иб 12:1). Лакин онлар Јеһова үчүн һәлә дә чох дәјәрлидир, чүнки О, онлары «Оғлунун ганы баһасына» алыб (Һв 20:28; 1Бт 1:18, 19). Бәс биз онлара ҝери дөнмәјә неҹә көмәк едә биләрик?

Чобан сүрүдән ајры дүшмүш гојуну тапана кими сакитләшмир. Ағсаггаллар да гејри-фәал мәсиһиләри тапмаг вә онлара көмәк етмәк үчүн әлләриндән ҝәләни едирләр (Лк 15:4—7). Јеһова бу јолла о инсанлара севҝисини ҝөстәрир (Әр 23:3, 4). Гејри-фәаллара јалныз ағсаггаллар дејил, һәр биримиз көмәк едә биләрик. Онлара меһрибанлыг ҝөстәрсәк вә анлајышла јанашсаг, һәм Јеһова Аллаһа хош ҝедәр, һәм дә әмин ола биләрик ки, зәһмәтимиз јердә галмајаҹаг (Мс 19:17; Һв 20:35). Буна ҝөрә дә ҝәлин фикирләшәк ҝөрәк кимә көмәк едә биләрик. Әҝәр белә бир инсан јадыныза дүшдүсә, јубанмадан она көмәк әлинизи узадын.

«ГЕЈРИ-ФӘАЛЛАРА КӨМӘК ЕДИН» АДЛЫ ВИДЕОЈА БАХАНДАН СОНРА АШАҒЫДАКЫ СУАЛЛАРЫ ҸАВАБЛАНДЫРЫН:

• Еби танымадығы бир баҹы илә растлашандан сонра нә едир?

• Гејри-фәал тәблиғчијә көмәк етмәк истәјириксә, нәјә ҝөрә әввәлҹә ағсаггалларла мәсләһәтләшмәлијик?

• Еби икинҹи дәфә Лоранын јанына ҝетмәздән әввәл нә едир?

• Лораја көмәк едәндә Еби гәтијјәт, сәбир вә мәһәббәт кими хүсусијјәтләри неҹә тәзаһүр етдирир?

• Иса Мәсиһин Лука 15:8—10 ајәләриндә јазылмыш мәсәли бизә нә өјрәдир?

• Баҹы-гардашларын Лораја бирҝә көмәји һансы бәһрәни ҝәтирир?