Давуд Јеһоваја ҝүвәндији үчүн Ҹалуту мәғлуб етди (1Иш 17:45). Јеһова хидмәтчиләринин рифаһы үчүн ҝүҹүнү ҝөстәрмәјә һазырдыр (2См 16:9). Биз өз тәҹрүбәмизә вә баҹарыгларымыза јох, Јеһованын көмәјинә ҝүвәндијимизи неҹә ҝөстәрә биләрик? Бунун үч үсулу вар:

• Тез-тез дуа един. Тәкҹә сәһвә јол верәндән сонра бағышланмаг үчүн дуа етмәјин, өзүнүздә бу мејли һисс едәндә Аллаһдан ҝүҹ алмаг үчүн дә дуа един (Мт 6:12, 13). Гәрар верәндән сонра дуа едиб Аллаһдан ишинизи аванд етмәси диләмәк әвәзинә, гәрар вермәздән әввәл Ондан һикмәт вә мәсләһәт истәјин (Јг 1:5).

• Мүгәддәс Китабы мүнтәзәм охујуб арашдырын. Мүгәддәс Китабы һәр ҝүн охујун (Зб 1:2). Орадакы нүмунәләр үзәриндә дүшүнүн вә өјрәндикләринизә әмәл един (Јг 1:23—25). Тәҹрүбәнизә архаланмајын, хидмәтә габагҹадан һазырлашын. Ҝөрүшләрдән там фајда әлдә етмәк үчүн јығынҹаға һазырлашын.

• Јеһованын тәшкилаты илә әмәкдашлыг един. Тәшкилатдан ҝәлән сон ҝөстәришләрдән хәбәрдар олун вә онлара дәрһал әмәл един (Сј 9:17). Ағсаггалларын вердији мәсләһәт вә ҝөстәришләрә риајәт един (Иб 13:17).

«ТӘГИБЛӘРДӘН ГОРХМАГ ҮЧҮН ҺЕЧ БИР ӘСАС ЈОХДУР» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:

• Баҹы-гардашлар нәләрдән горхурду?

• Горхуларыны ашмаға онлара нә көмәк етди?