Бир чох тәлим нәшрләримиз елә тәртиб олунуб ки, инсан ону фәрди шәкилдә охујуб һәгигәти баша дүшә биләр. Бу нәшр исә фәрглидир. О, тәблиғчи илә бирликдә арашдырмаг үчүн нәзәрдә тутулуб. Буна ҝөрә дә кимәсә бу брошүрү тәклиф едәндә бир вә ја ики абзас мүзакирә етмәк јахшы оларды. Абзаслар гыса олдуғундан онлары инсанла һәм гапы ағзында, һәм дә иш јериндә мүзакирә етмәк олар. Дүздүр, дәрсә биринҹи фәсилдән башламаг даһа јахшы оларды, амма бу, шәрт дејил, илк дәрси истәнилән мәгаләдән башламаг олар.

Шаҝирди суаллар вермәјә, тәблиғчини исә мүәллимлик габилијјәтини ишә салмаға тәшвиг етмәк үчүн брошүрдә бүтүн ајәләр изаһ олунмур. Буна ҝөрә дә һәр дәрсдән әввәл јахшыҹа һазырлашмаг лазымдыр. Бир шеји јахшы-јахшы јадда сахлајын: һәддән артыг данышмаг лазым дејил. Тәбии ки, биз Мүгәддәс Китабдан ајәләри изаһ етмәји хошлајырыг. Анҹаг шаҝирддән ајәни неҹә баша дүшдүјүнү сорушмаг даһа еффектив оларды. Һөрмәтҹил шәкилдә суаллар вермәклә шаҝирдә ајәнин мәғзини баша дүшмәјә көмәк едә биләрик.

Һәмин ај һансы әдәбијјатын тәгдим олунмасындан асылы олмајараг, Мүгәддәс Китаб дәрси кечирмәк үчүн нәзәрдә тутулан диҝәр нәшрләр кими, бу брошүрү дә истәнилән вахт тәгдим едә биләрик. Әминик ки, илк дәфәдән гапы ағзында Мүгәддәс Китаб дәрсинә башламаг истәјәнләрин бу брошүрдән истифадә етмәк хошларына ҝәләҹәк.