НӘЈӘ ҜӨРӘ ВАҸИБДИР? Инсанлар хилас олмаг үчүн Јеһованын адыны чағырмалыдыр (Рм 10:13, 14). Амма Мүгәддәс Китаб дәрси кечән һәр инсан Јеһованын принсипләринә ујғун јашамаг истәмир. Биз хидмәтә сәрф етдијимиз дәјәрли вахтымыздан сәмәрәли истифадә етмәлијик вә Јеһованы разы салмаг үчүн һәјатында дәјишиклик етмәк истәјән инсанлара көмәк етмәлијик. Әҝәр Мүгәддәс Китабы өјрәнән адам кифајәт гәдәр вахтдан сонра да инкишаф етмирсә, ҝүҹүмүзү Јеһованын Өзүнә вә тәшкилатына ҹәлб етдији инсанлара сәрф етмәлијик (Јһ 6:44). Тәбии ки, ҝәләҹәкдә онун «әбәди һәјата апаран јолда јеримәјә мејли» олдуғу әмәлләриндән ҝөрүнсә, онда мәмнунијјәтлә онунла јенидән дәрс кечмәјә башлајарыг (Һв 13:48).

НЕҸӘ ЕТМӘЛИ?

• Ону дәгиг билик алмаг истәдијинә ҝөрә тәрифләјин (1Тм 2:4)

• Өјрәндикләринә әмәл етмәјин ваҹиблијини вурғулајын (Лк 6:46—49)

• Исанын әкинчи мәсәлини нәзакәтлә мүзакирә един вә она өјрәндикләринә әмәл етмәјә нәјин мане олдуғу барәдә дүшүнмәји мәсләһәт ҝөрүн (Мт 13:18—23)

• Дәрси дајандырмағынызын сәбәбини нәзакәтлә изаһ един

• Арада онунла әлагә сахлајаҹағынызы дејин. Билдирин ки, әҝәр лазыми дәјишиклији едәрсә, јенидән дәрсә башламаг олар

ВИДЕОЈА БАХАНДАН СОНРА АШАҒЫДАКЫ СУАЛЛАРА ҸАВАБ ВЕРИН:

• Инсанын руһани инкишаф етмәдији сөһбәт әснасында неҹә бәлли олду?

• Тәблиғчи она дәјишиклик етмәли олдуғуну неҹә баша салды?

• Тәблиғчи она неҹә билдирди ки, ҝәләҹәкдә лазыми дәјишиклији етсә, јенә дә онунла дәрс кечмәјә һазырдыр?