Ал-әлван чичәкләри, улдузлу сәманы, шыр-шыр ахан шәлаләни сејр едәндә онлара Јараданын әл иши кими бахырсыныз? Әтрафымыздакы јарадылыш мөҹүзәләриндә Јеһованын ҝөзәҝөрүнмәз кејфијјәтләри ајдын ҝөрүнүр (Рм 1:20). Биз ҝөрдүкләримиз барәдә дүшүнәндә Аллаһын гүдрәтини, мәһәббәтини, һикмәтини, әдаләтини, еләҹә дә сәхавәтини дәрк едирик (Зб 104:24).

Јеһованын јаратдыгларындан һәр ҝүн нәләри ҝөрүрсүнүз? Һәтта шәһәрдә јашасаныз белә, гушлары вә ағаҹлары ҝөрә биләрсиниз. Јеһованын јаратдыгларыны диггәтлә сејр етсәк, нараһатчылыгларымыз азалар, диггәтимизи проблемләримизә ҹәмләмәрик вә Јеһованын әбәдијјәт бојунҹа гејдимизә галмаға гадир олдуғуна иманымыз мөһкәмләнәр (Мт 6:25—32). Әҝәр өвладыныз варса, она Јеһованын мисилсиз кејфијјәтләрини дәрк етмәјә көмәк един. Әтрафымыздакы јарадылыш мөҹүзәләринә ҝөрә миннәтдарлығымыз артдыгҹа, Јарадана даһа да јахынлашаҹағыг (Зб 8:3, 4).

«ЈАРАДЫЛЫШ МӨҸҮЗӘЛӘРИ АЛЛАҺЫН ӘЗӘМӘТИНИ БӘЈАН ЕДИР. ИШЫГ ВӘ РӘНҜ» АДЛЫ ВИДЕОЈА БАХАНДАН СОНРА НӨВБӘТИ СУАЛЛАРА ҸАВАБ ВЕРИН:

• Пигментләр бизә рәнҝләри ҝөрмәјә неҹә көмәк едир?

• Иризасијанын јаранмасына нә сәбәб олур?

• Нәјә ҝөрә сәма мүхтәлиф рәнҝләрдә олур?

• Јашадығыныз јердә Јеһованын јаратдыгларында һансы ҝөзәл рәнҝләри мүшаһидә едирсиниз?

• Нәјә ҝөрә тәбиәти диггәтлә сејр етмәлијик?