Сајтымызын әсас сәһифәсиндә чыхан мәгаләләр вә видеолар сәмими гәлбли инсанларын үрәјинә јол тапмаг үчүн нәзәрдә тутулуб (Һв 13:48). Бурада адәтән баш верән сон һадисәләр, јахуд инсанлары дүшүндүрән вә онлара мараглы ҝәлән мөвзулар јер алыр.

Хидмәтдә jw.org сајтынын әсас сәһифәсиндән неҹә истифадә едә биләрсиниз?

• Сајта мүнтәзәм дахил олун. «Сечилмиш» башлығы алтындакы мәгаләләрә нәзәр салын вә һәмин мәлумат васитәсилә марагланан инсана неҹә көмәк едә биләҹәјиниз барәдә дүшүнүн. (Әсас сәһифәдә чыхан диҝәр сон мәгаләләри тапмаг үчүн «Диҝәр мәгаләләр» дүјмәсинә басын.) Сајта мүнтәзәм дахил олмағын сајәсиндә хидмәтиниз монотон јох, рәнҝарәнҝ олаҹаг.

• Сөһбәтә башламаг үчүн әсас сәһифәдәки мәгаләләрдән вә видеолардан истифадә един. Бу вәсаитләр бизә әразимиздәки инсанларын мараг даирәсинә ујғун мөвзулар тапмаг үчүн идеја верә биләр.

• Инсанлара сајтын әсас сәһифәсини ҝөстәрин. Конкрет мөвзулары садалајын вә сајтда мәлуматы неҹә тапа биләҹәкләрини ҝөстәрин.

• Линк ҝөндәрин. Бәзи инсанлар бизимлә бирбаша сөһбәт апармаг истәмәсәләр дә, сајтымыза дахил олмаға етираз етмирләр. Буна ҝөрә дә марагланан инсанлара сајтын әсас сәһифәсинин, јахуд конкрет мәгалә вә ја видеонун линкини ҝөндәрә биләрсиниз.