Ҹүмә ҝүнү, 25 август 2017-ҹи ил тарихиндә Јеһованын Шаһидләринин Вианада (Луанда әјаләти, Ангола) кечирдикләри реҝионал топланты заманы намәлум шәхсләрин әсас зала вә ајагјолларына зәһәрли газ бурахмасы нәтиҹәдә 405 нәфәр һушуну итирди. Газ өлдүрүҹү олмадығындан һеч ким һәјатыны итирмәјиб. Газдан зәһәрләнәнләрин әксәријјәти хәстәханаја јерләшдириләндән бир нечә саат сонра өзүнә ҝәлиб вә евә бурахылыб. Инсидент јерли һакимијјәт органлары тәрәфиндән арашдырылыр, елә һәмин ҝүн ҝүнорта үч киши сахланылараг полис бөлмәсинә ҝәтирилиб.

Јеһованын Шаһидләринин Луандадакы филиалынын вердији мәлумата әсасән, зәрәрчәкәнләрин вәзијјәти гәнаәтбәхшдир. Топлантыда иштирак едәнләрин инсидент заманы тәшвишә дүшмәдији, һамынын газдан зәһәрләнәнләрә көмәк әли узатдығы билдирилир. Полис әмәкдашларынын мәсләһәти илә ҹүмә ҝүнү програмынын ҝүнортадан сонракы һиссәси ләғв олунса да, ертәси ҝүн вә базар ҝүнү програм манеәсиз кечирилмишдир. Топлантыда 12 000-дән чох адам иштирак етмиш вә 188 нәфәр вәфтиз олунараг Јеһованын Шаһиди олмушдур.

Әлагә үчүн:

Бејнәлхалг мәлумат хидмәти: Дејвид Семониан, Иҹтимаи әлагәләр шөбәси, тел.: +1 845 524 3000

Ангола: Тод Пекхам, тел.: +244 923 166 760