СИДНЕЈ. Австралијанын шәргини дашгын сулары басмышды. «Освалд» тропик сиклонунун галыглары Квинсленд вә Јени Ҹәнуби Уелсин шималында торнадолар, һүндүр далғалар вә арамсыз јаған јағышларын јағмасына ҝәтириб чыхартмышды. Нәтиҹәдә 4 инсан һәјатыны итирмиш вә 1000-дән чох инсан евләриндән евакуасија олунмушду. Хүсусилә дә Квинслендин мәркәзи саһилиндә јерләшән Бандаберг шәһәринә зәрәр дәјмишди. Чүнки бу сиклон јүз ил әрзиндә баш вермиш ән дәһшәтли дашгындан әлавә 5 торнадонун јаранмасына сәбәб олмушду.

Јеһованын Шаһидләринин Сиднејдәки филиалы хәбәр верир ки, өлән вә хәсарәт аланларын сырасында Шаһидләр јохдур. Анҹаг ән азы 53 мәсиһчинин евинә зәрәр дәјмиш вә 70-дән чоху евләрини тәрк етмишди. Вертолјотла евакуасија едиләнләр дә дахил олмагла һәмин инсанлар ја гоншуларынын, ја да јахынлыгда јерләшән Шаһидләрин евләринә көчмүшдүләр.

Һәмин әразидә јашајан мәсиһчи ағсаггаллар тәбии фәлакәтдән зәрәр чәкәнләрә көмәк етмәк үчүн јардым комитәси јаратдылар. Һәмчинин зәрәрчәкмишләрә көмәк мәгсәдилә Бандаберг әразисинә 250-дән артыг көнүллү Јеһованын Шаһиди100-дән чох километр мәсафә гәт етмишди.

Әлагә үчүн:

Бејнәлхалг: мәлумат хидмәти, Ҹ. Р. Браун, тел. +1 718 560 5000

Австралија: Доналд Маклин, тел. +61 2 9829 5600