25 сентјабр 2012-ҹи ил тарихиндә Авропа Инсан Һүгуглары Мәһкәмәси (Страсбург, Франса) Австрија һөкумәтини Јеһованын Шаһидләрини дискриминасијаја мәруз гојмагда тәгсирли билиб, Јеһованын Шаһидләринә мәһкәмә вә диҝәр хәрҹләрә ҝөрә тәхминән 13 000 авро (16 600 АБШ доллары) өдәнилмәсинә гәрар вериб.

2002-ҹи илдә Австрија һөкумәти бу өлкәдәки тагалогдилли Шаһидләрә баш чәкмәк истәјән Филиппиндән олан ики дини хидмәтчини гејдијјата салмагдан имтина етмишдир. Үстәлик, һөкумәт Шаһидләрдән 1999-ҹу илдә едилән көнүллү ианәләрдән һәдијјә верҝисинин өдәнилмәсини тәләб етмишди. Һәр ики һалда дөвләтин бу ҹүр һәрәкәт етмәсинин сәбәби Јеһованын Шаһидләрини «дини ҹәмијјәт»дән ашағы һесаб едилән «дини иҹма» кими танымасы иди. Бу сәбәбдән Јеһованын Шаһидләри танынан динләрә верилән мүәјјән имтијазлардан мәһрум едилмишдир.

Бу, Авропа Мәһкәмәсинин Јеһованын Шаһидләринин хејринә, Австрија һөкумәтинин исә әлејһинә чыхартдығы сајҹа 6-ҹы гәрардыр вә бу гәрар 2008-ҹи илдә чыхарылан гәрары тәсдигләјир. Һәмин гәрарда Мәһкәмә Јеһованын Шаһидләринин «дүнјада, о ҹүмләдән Австријада узун мүддәт мөвҹуд олдуғуну» әсас ҝәтирәрәк билдирмишдир ки, Јеһованын Шаһидләри «тәҹили сурәтдә» өлкәдә «дини ҹәмијјәт» кими танынмалыдыр.

Шаһидләр үмид едирләр ки, Авропа Мәһкәмәсиндәки сонунҹу гәләбә әсас азадлыгларын горунмасына хидмәт едәҹәк, дини дискриминасијанын гаршысыны алаҹаг вә јалныз онларын өзләринә јох, һәмчинин Авропа Бирлијинин һүдудлары дахилиндә јашајан бүтүн вәтәндашлара хејир верәҹәк.

Әлагә үчүн:

мәлумат хидмәти, Ҹ. Р. Браун, тел. +1 718 560 5000

Австрија: Јоһан Зиммерманн, тел. +43 1 804 53 45