Азәрбајҹанын Милли Тәһлүкәсизлик Назирлији (МТН) 2 Јеһованын Шаһиди — Ирина Захарченко вә Валидә Ҹәбрајылованын һәбс гәтимкан тәдбиринин мүддәтини узатды. Февралын 17-си 2015-ҹи илдә 2 Јеһованын Шаһиди МТН тәрәфиндән Мүгәддәс Китаба әсасланан әдәбијјатлары «лазыми иҹазә» олмадан пајламагда тәгсирләндириләрәк ҹинајәт мәсулијјәтинә ҹәлб едилмиш вә һәбс олунмушдулар. 7 мај 2015-ҹи илдә Сәбајыл Рајон мәһкәмәси һәбс гәтимкан тәдбиринин ијул ајынын 17-ә кими узадыламасына гәрар вермишдир. Мәһкәмә һәбс гәтимкан тәдбиринин ев дустаглығы илә әвәз олунмасы үчүн ирәли сүрүлән вәсатәти рәдд етмишдир. Гадынларын вәкили әдаләтсиз гәрара ҝөрә апеласија мәһкәмәсинә мүраҹиәт етмиш вә онларын емосионал, әгли, физики сағламлығы илә бағлы нараһатчылығыны дилә ҝәтирмишдир. Һакимијјәт даирәләри диҝәр Јеһованын Шаһидләрини дә сорғу-суал етмәјә давам едир.