3 декабр 2015-ҹи ил тарихиндә БМТ Инсан Һүгуглары Комитәси Ирина Захарченконун заминә верилмәси һаггында вәсатәти тәмин етди вә Азәрбајҹан һөкумәтиндән вәтәндаш Захарченконун һәбсини тез бир заманда «ев дустаглығы вә ја диҝәр алтернатив гәтимкан тәдбири илә» әвәз етмәсини хаһиш етди. Буна сәбәб Ирина Захарченконун сәһһәтинин писләшмәсидир.

Ирина Захарченко вә диҝәр Јеһованын Шаһиди Валидә Ҹәбрајылова артыг 10 ајдыр ки, мәһкәмә просесинә гәдәр һәбс алтындадырлар. 2015-ҹи илин декабрын 10-да Бакы шәһәри Пираллаһы Рајон Мәһкәмәси «лазыми иҹазә» олмадан етигадларыны бөлүшмәклә вә дини әдәбијјат пајламагла ҹинајәт мәҹәлләсинин позунтусунда иттиһам олунан бу ики гадынын динләмә просесини һәјата кечирәҹәк.