ЗАГРЕБ, Хорватија. Јеһованын Шаһидләри илк дәфә олараг Интерлибер Бејнәлхалг Китаб вә Тәдрис Вәсаитләри сәрҝисиндә иштирак етдиләр. Сәрҝи 2014-ҹү илин 11—16 нојабр тарихләриндә кечирилди. Бу иллик јармаркада нәшр вә тәһсил саһәсиндән олан јүзләрлә инсанлар иштирак едирди. Бу, Хорватијада әсас тиҹарәт сәрҝиләриндән биридир. Бу ил јармаркаја ҝәләнләрин сајы ән јүксәк һәддә — 130 000 нәфәрә чатмышды.

Сәрҝијә ҝәләнләр арасында Хорватија Республикасынын президенти Иво Јосипович дә вар иди. Президент көнүллү Шаһидләри саламлады, елмә вә Мүгәддәс Китаба әсасланан «Һәјат неҹә јараныб?», «Һәјатын әмәлә ҝәлмәси — беш ваҹиб суала ҹаваб», «Һәјат тәкамүл, јохса јарадылыш васитәсилә јараныб?» кими әдәбијјатлары ҝөтүрдү.

Јеһованын Шаһидләринә ајрылмыш һиссәдә ән мәшһур јер «ушаг ҝушәси» иди. Бурада гонаглар Јеһованын Шаһидләринин jw.org рәсми сајтында олан ҹизҝи филмләрә баха биләрдиләр. Бу ҹизҝи филмләри Мүгәддәс Китаб әсасында ушаглары өјрәтмәк үчүн тәртиб олунуб. Гонагларын чоху ичиндә ҝәнҹләр вә валидејнләр үчүн практики мәсләһәтләр олан 2 ҹилдли «Ҝәнҹләрин суаллары» китабыны ҝөтүрдүләр.

Јеһованын Шаһидләринин Хорватијадакы нүмајәндәси Иосиф Лиович демишди: Интерлибер сәрҝисиндә сәмими гаршыланмағымыз бизә дәрин тәсир бағышлады. Сәрҝидәки ҝушәмиз ҝөзләдијимиздән дә јахшы нәтиҹә верди вә гонаглар 7500–дән чох әдәбијјатымызы ҝөтүрдү. Ҝәлән ил дә әдәбијјатларымызы сәрҝидә нүмајиш етдирмәји сәбирсизликлә ҝөзләјирик.

Әлагә үчүн:

Бејнәлхалг: мәлумат хидмәти, Ҹ. Р. Браун, тел.: +1 718 560 5000

Хорватија: Иосиф Лиович, тел.: +385 91 5336 511