НЈУ-ЈОРК. Мүгәддәс Китабы даһа чох инсанын охуја билмәси үчүн даима чалышан Јеһованын Шаһидләри «Мүгәддәс Јазыларын Јени Дүнја Тәрҹүмәси»нин јенидән бахылмыш нәшрини ири өлчүдә чап етмәјә башлајыблар. АБШ-да вә Јапонијада чап едилән бу нәшрин илк тиражы 424 000 әдәд олуб.

Јеһованын Шаһидләри 2013-ҹү ил 5, 6 октјабр тарихләриндә 31 өлкәјә јајымланан хүсуси ҝөрүш кечирмишдиләр. Бу ҝөрүшдә ади өлчүдә олан «Јени Дүнја Тәрҹүмәси»нин јенидән бахылмыш нәшринин бурахылышы барәдә елан сәсләнмишди. Бу нәшр 1984-ҹү илдән бу јана јенидән бахылан ән дәгиг тәрҹүмәдир. 2013-ҹү ил октјабрын 7-дә Јеһованын Шаһидләри Мүгәддәс Китабын бу тәрҹүмәсини мүхтәлиф әмәлијјат системләриндә ишләјән вә индијәдәк тәхминән 1,4 милјон дәфә јүкләнән JW Library програмы формасында бурахыблар. Үстәлик, бу тәрҹүмәни jw.org сајтындан мүхтәлиф форматларда да јүкләмәк мүмкүндүр.

Һәр форматда олан бу тәрҹүмәдә 60 000-ә јахын чарпаз истинад вар. Бунларын сајәсиндә охуҹу Мүгәддәс Китабда гәләмә алынан һадисәләрин контекстини даһа јахшы баша дүшә биләр. Бундан башга, орада рәнҝли диаграмлар, Мүгәддәс Китабда ады чәкилән өлкә вә әразиләрин хәритәләри вә о дөврүн ҝүндәлик һәјатыны тәсвир едән шәкилләр јер алыб. Әлавәләр бөлмәсиндә Мүгәддәс Китабын тәрҹүмәси заманы риајәт олунан принсипләрдән, онун неҹә гәләмә алындығындан вә горундуғундан бәһс едилир онун неҹә јазылдығындан вә горундуғундан бәһс едилир.

1984-ҹү илин «Јени Дүнја Тәрҹүмәси»нин мәтниндә Аллаһын адына тәхминән 7000 дәфә раст ҝәлинирди. Анҹаг Мүгәддәс Китабын ән гәдим әлјазмалары арашдырылдыгдан сонра Аллаһын адынын олдуғу јени ајәләр ашкар едилмиш вә бу, 2013-ҹү илин јенидән бахылмыш нәшриндә әкс олунмушдур. Өлү дәниз вә диҝәр гәдим әлјазмаларын тәдгигинә әсасланараг Аллаһын ады даһа алты ајәјә әлавә едилиб: Һакимләр 19:18; 1 Шамуел 2:25; 6:3; 10:26; 23:14, 16. Әлавәләр бөлмәсиндә Аллаһын адынын гәдим ибрани вә јунан дилләриндә неҹә истифадә едилдијидән бәһс едилир, еләҹә дә Мүгәддәс Китабын бәзи мүасир дил вә диалектләрә едилән тәрҹүмәләрдә Аллаһын адынын неҹә јазылдығыны ҝөстәрән бир сијаһысы ҝәтирилир.

Јеһованын Шаһидләри артыг нечә онилликләрдир ки, «Мүгәддәс Јазыларын Јени Дүнја Тәрҹүмәси»ни чап едир, пајлајыр вә тәрҹүмә едирләр. Алимләр бу тәрҹүмәни дәгиглијинә ҝөрә јүксәк гијмәтләндирирләр. Илк дәфә бу тәрҹүмә там шәкилдә 1961-ҹи илдә инҝилис дилиндә чап едилмишди. 1963-ҹү илдә исә «Нју-Јорк Тајмс» гәзетиндә хәбәр верилирди ки, Шаһидләрин «Јанки» стадионунда кечирдикләри конгресдә елан етдикләри кими, бу нәшр даһа алты дилә тәрҹүмә едиләҹәк. Артыг бу тәрҹүмә 120-дән чох дилдә вар. Бир нечә ил бундан әввәл Мүгәддәс Китабын Јени Дүнја Тәрҹүмәси Комитәси бу тәрҹүмәјә јенидән бахмаг гәрарына ҝәлди. Онларын мәгсәди мәтни мүасир дилә ујғунлашдырмаг вә бәзи ифадәләри дәгигләшдирмәк иди ки, охунушу даһа асан вә башадүшүлән олсун. Бунларын һамысы 2013-ҹү илин нәшриндә өз әксини тапыб.

Јеһованын Шаһидләринин үмумдүнја баш идарәсиндәки тәмсилчиси Ҹејмс Браун дејир: «Әлли ил бундан әввәл “Јени Дүнја Тәрҹүмәси”ни алмаг нә гәдәр севиндириҹи идисә, јенидән бахылмыш нәшри алмаг ондан да севиндириҹидир. Мәгсәдимиз дәгиг, әдәбли вә мүасир дилдән истифадә едәрәк Мүгәддәс Јазылары һамы үчүн башадүшүлән етмәкдир».

Әлагә үчүн:

Бејнәлхалг: мәлумат хидмәти, Ҹ. Р. Браун, тел.: +1 718 560 5000