НЈУ-ЈОРК. Јеһованын Шаһидләринин «Аллаһын Падшаһлығыны һәр шејдән үстүн тутун!» адлы үчҝүнлүк бејнәлхалг конгресләриндән биринҹиси 2014-ҹү ил ијунун 6-да ҹүмә ҝүнү сәһәр башланаҹаг. Бу конгрес Детројтин (штат Мичиган, АБШ) «Форд-филд» стадионунда кечириләҹәк. Конгресин програмынын ајры-ајры һиссәләри Аризона, Флорида Иллинојс, Калифорнија, Миссури, Нју–Ҹерси вә Шимали Каролина штатларында кечирилән диҝәр конгресләрә транслјасија едиләҹәк вә албан, Кореја, полјак вә португал дилләринә тәрҹүмә олунаҹаг.

Јеһованын Шаһидләринин Бруклиндә (Нју–Јорк) јерләшән баш идарәсинин тәмсилчиси Ҹејмс Браун дејир: «Видеотрансласија олаҹаг Детројтдәки вә диҝәр шәһәрләрдәки Јеһованын Шаһидләри сон үч һәфтә әрзиндә өз јахынларыны бу мөһтәшәм тәдбирдә иштирак етмәјә шәхсән дәвәт етмишләр. Детројтдә Алманија, Австралија, Канада вә Тајвандан ҝәлән 2000-дән чох хариҹи нүмајәндәләр дә дахил олмагла, тәхминән 45 000 инсанын иштирак едәҹәк. Биз орада мүхтәлиф мәдәнијјәтләрдән олан инсанлары ҝөрәҹәјимизә үмид едирик».

Јај әрзиндә Јеһованын Шаһидләри АБШ-ын 10 штатында јерләшән бөјүк стадионларда 16 бејнәлхалг конгрес кечирәҹәкләр. Бәзи јерләрдә програм там вә ја гисмән албан, Америка жест дили, чин (кантон диалекти), ермәни, әрәб, фарс, франсыз, Һаити-креол, илок, Индонезија, испан, италјан, Кореја, мандарин, Маршалл, полјак, румын, рус, Самоа, тагал, трук, тви, Вјетнам, јапон вә јунан дилләриндә тәгдим олунаҹаг. 2014-ҹү илин ијун ајындан башлајараг 2015-ҹи илә гәдәр Јеһованын Шаһидләри Алманијада, Австралијада, Ҹәнуби Корејада, Еквадорда, Инҝилтәрәдә, Мексикада, Јунаныстанда вә Зимбабведә бејнәлхалг конгресләр кечирәҹәкләр.

Әлагә үчүн:

Бејнәлхалг: мәлумат хидмәти, Ҹејмс Браун, тел.: +1 718 560 5000