МЕХИКО. Гватемаладакы үч мәктәб тәдрис планларында истифадә етмәк үчүн Јеһованын Шаһидләриндән нәшрләр истәдиләр. Шаһидләр дә онлара испан вә киче дилләриндә 3500 нүсхә әдәбијјат ҝөндәрди. Киче дили Америка һиндуларынын мајја тајфасына аиддир. Бу дилдә Гватемаланын гәрб дағлыг бөлҝәләриндә данышылыр.

Мәктәбләрин Јеһованын Шаһидләринә мүраҹиәт етмәләринә сәбәб Шаһидләрин киче дилиндә әдәбијјат чап едән азсајлы тәшкилатлардан бири олмасыдыр. Үстәлик, онларын бәзи нәшри бирбаша Гватемала ҝәнҹләринин үзләшдији мәсәләләрә тохунур. Парахе Ксепекдәки кәнд ибтидаи мәктәбинин рәсми сәнәдиндә профессор Марија Кортез гејд едир ки, бу әдәбијјатлар «ҹәмијјәтин чох еһтијаҹ дујдуғу дәјәрләри вә әхлаги принсипләри јашатмаг мәгсәдилә» сифариш олунуб.

Сон арашдырмалар ҝөстәрир ки, Гватемалада ҝәнҹләр арасында ҹинајәткарлыг вә зоракылыг һаллары ҝениш јајылмышдыр. Буна ҝөрә дә Зоракылыгла Мүбаризә Програмы (ЗМП) кими тәшкилатлар јарадылмышды. Бу тәшкилатларын мәгсәди «шаҝирдләри, валидејнләри, мүәллимләри, јерли һакимијјәти вә вәтәндаш ҹәмијјәтини мәктәбләрдә тәһлүкәсизлији горумаға ҹәлб етмәк, һабелә ҝәнҹ вә јенијетмәләр үчүн тәдбирләрин кечирилмәси вә пешә дәрсләринин тәшкил олунмасыдыр». Бу тәшәббүслә дә Кәнд Тәсәррүфаты јөнүмлү Тәмәл Тәһсил Милли Институту, Елиса Молина де Сдал адына үмуми кәнд мәктәби вә Парахе Ксепекдәки ибтидаи кәнд мәктәби «Мүгәддәс Китаб һекајәләри» адлы китабы киче дилиндә сифариш етди. Кәнд Тәсәррүфаты јөнүмлү Тәмәл Тәһсил Милли Институту һәмчинин, Јеһованын Шаһидләриндән ҝәнҹләр үчүн олан «Ҝәнҹләрин суаллары. Практики мәсләһәтләр» адлы китабын 1-ҹи вә 2-ҹи ҹилдини испан дилиндә истәди. Мәктәб бу нүсхәләрдән валидејнләрә дә верди ки, онлар ушагларына мәдәнијјәт дәрси илә бағлы ев тапшырыгларыны јеринә јетирмәјә көмәк едә билсинләр. Бундан әлавә, мәктәб өз тәдрис планына Јеһованын Шаһидләри тәрәфиндән һазырланмыш «Авара оғул гајыдыр» адлы филми дә дахил едиб.

Јеһованын Шаһидләринин Гватемаладакы нүмајәндәси Ерик де Паз дејир: «Әсас мәгсәдимиз хош хәбәри ев-ев тәблиғ етмәк олса да, чох шадыг ки, ҝәнҹләрә көмәк етмәк үчүн мүәллимләр вә валидејнләр бизим әдәбијјатларымыздан фајдаланырлар».

Әлагә үчүн:

Бејнәлхалг: мәлумат хидмәти, Ҹ. Р. Браун, тел.: +1 718 560 5000

Гватемала: Хуан-Карлос Родас, тел.: +502 5967 6015

Мехико: Гамалиел Камарилло, тел.: +52 555 133 3048