2014-ҹү ил октјабрын 31-и сәһәр радәләриндә Һондурасда сәрнишин автобусу гәзаја уғрајыб. Автобусда 57 нәфәр Јеһованын Шаһиди олуб. Онлар Сан-Карлосдан (Чолома) Лас-Флоресә (Лемпира) Мүгәддәс Китабы маарифләндирмә мәгсәдилә ҝедән көнүллүләр иди. Гәза нәтиҹәсиндә автобусун сүрүҹүсү вә 13 нәфәр Јеһованын Шаһиди һәјатыны итириб. 13 нәфәрдән икиси 14 јашлы, бири исә 8 јашлы гыз ушағы олуб. Хәсарәт алмыш галан 44 нәфәр тибби мүајинә үчүн хәстәханаја апарылыб. Онлардан јалныз икисинин ҹидди тибби јардыма еһтијаҹы олуб, анҹаг һал-һазырда хәстәханадан евә бурахылыблар. Һәмиманлылары онлара тәсәлли верир вә көмәк едирләр. 2014-ҹү ил нојабрын 1-дә Чоломада мәрһумлардан доггузунун дәфн мәрасими кечирилиб. Мәрасимдә 3000 нәфәр иштирак едиб.

Јеһованын Шаһидләринин Һондурасдакы нүмајәндәси Хосе Кастилјо демишди: «Биз бу фаҹиә нәтиҹәсиндә зәрәр чәкәнләрин көмәјинә ҝәлән јерли әһалијә вә органлара үрәкдән миннәтдарыг».

Әлагә үчүн:

Бејнәлхалг: мәлумат хидмәти, Ҹ. Р. Браун, тел.: +1 718 560 5000

Һондурас: Хосе Кастилјо Адриано, тел: +504 9998 0895

Мексика: Гамалиел Камарилло, тел.: +52 555 133 3048