2017-ҹи ил ијунун 29-да Газахыстан мәһкәмәси Јеһованын Шаһидләринин Алматыдакы филиалынын фәалијјәтинин үч ајлыг дајандырылмасына вә тәхминән 680 000 КЗТ (2107 АБШ доллары) мәбләғиндә ҹәримәнин өдәнилмәсинә гәрар верди. 

Мәһкәмәнин гәрарындан бир мүддәт өнҹә, 2017-ҹи илин мај ајынын 17-дә дөвләт органлары филиала рејд кечирмишди. Шаһидләрин ҝөзүнү горхутмаг үчүн тәшкил олунан рејддә иштирак едән тәхминән 40 нәфәр силаһлы полисин бәзиләри маска ҝејинмишди. Шаһидләр кечирилән рејдлә әлагәдар шикајәт етмәји планлашдырыр.

2017-ҹи ил ијун ајынын 5-дә полис ишчиләринин филиал әразисиндә кечирдикләри јохламадан сонра һакимијјәт нүмајәндәләри бәзи нөгсанларын ашкар олундуғуну иддиа етди. Јеһованын Шаһидләри һүгуги проседурлара риајәт едилмәдән апарылан бу јохламанын нәтиҹәләри илә разылашмыр.

Газахыстанда баш верән һадисәләр полис һәдәләринин, дини дөзүмсүзлүјүн һөкм сүрдүјү вә Јеһованын Шаһидләринин фәалијјәтинин гадаған олундуғу Русијадакы вәзијјәти хатырладыр. Шаһидләр ијунун 29-да верилән гәрара гаршы шикајәтләрини ијул ајынын 14-нә гәдәр билдирәҹәкләр.

Әлагә үчүн:

Бејнәлхалг мәлумат хидмәти: Дејвид Семониан, Иҹтимаи әлагәләр шөбәси, тел.: +1 845 524 3000

Газахыстан: Бекзат Смаҝулов, +7 747 671 45 01