МЕХИКО. 2014-ҹү ил ијунун 7-дә 250-дән чох Јеһованын Шаһиди «Балдомеро Мело Алмада» идман комплексини хүсуси мәрасимә һазырламаг үчүн јығышдырмаг чағырышына һај вермишдиләр вә буна ҝөрә дөвләт мәмурлары онлара миннәтдарлығыны билдирмишди.

2014-ҹү ил ијунун 7-дә стадионда штатын губернатору тәрәфиндән јүнҝүл атлетика трекинин ачылышы планлашдырылырды. Һуатабампо шәһәринин Бәләдијјә Идман Институтунун директору профессор Антонио Кота Маркес бир нечә ај әрзиндә стадиону јығышдырмаг үчүн көнүллүләр ахтарырды. Јеһованын Шаһидләри онун хаһишинә үрәкдән һај вермиш, она вә тәмизлик персоналына стадионун зибилини тәмизләмәк, баскетбол лөвһәләрини рәнҝләмәк вә мејдана гуллуг кими мүһүм ишләрдә көмәк етмишләр.

Директорун Јеһованын Шаһидләринә мүраҹиәт етмәсинин сәбәби онлары јахшы танымасы иди. Јеһованын Шаһидләри һәмин идман комплексинин залларындан бириндә испан вә мајо дилиндә Мүгәддәс Китабы пулсуз маарифләндирмә илә бағлы дәфәләрлә мәрасимләр кечирмиш, һәмишә дә зала лазыми гуллуг ҝөстәрмишләр. Јеһованын Шаһидләринин идман комплексини тәмизләјиб тәмир етдикләрини ҝөрәндән сонра директор мүсаһибәсиндә белә демишди: «Вахтыны гурбан вериб бизим идман комплексини тәмизләјән бу ҹүр фәдакар инсанларын олмасы бизи севиндир». Сонра белә демишди: «Меримиз Рамон Диас Небласын адындан буҝүнкү зәһмәтинизә ҝөрә сизә дәрин миннәтдарлығымызы билдирирәм. Индән белә дә бу комплексдән истифадә едә биләрсиниз, сизи бурада ҝөрмәјә шад оларыг. Ишинизи мәсулијјәтлә вә әмәкдашлыг руһунда ҝөрмәјиниз бизә ҝөзәл тәсир бағышлады».

Әлагә үчүн:

Бејнәлхалг: мәлумат хидмәти, Ҹ. Р. Браун, тел.: +1 718 560 5000

Мексика: Гамалиел Камарилло, тел.: +52 555 133 3048