МЕХИКО. Мексиканын Ашағы Калифорнија штатынын рәсмиләри штат һәбсханаларында Мүгәддәс Китаб үзрә маарифләндирмә иши апардыглары үчүн Јеһованын Шаһидләрини миннәтдарлыг сертификаты илә тәлтиф едибләр. Сертификат штатын Иҹтимаи Тәһлүкәсизлик Идарәсинин рәиси Даниел Де Ла Роса Анаја вә штатын Пенитенсиар Хидмәтинин рәиси Хесус Һектор Грихалва Тапиа тәрәфиндән имзаланыб.

Сертификатда дејилир: «Штат рәһбәрлији Иҹтимаи Тәһлүкәсизлик Идарәсинин рәиси васитәсилә Ашағы Калифорнија иҹтимаијјәтинә вердикләри дәстәјә, чәкдикләри зәһмәтә вә ҝөрдүкләри ишә ҝөрә Јеһованын Шаһидләринә өз миннәтдарлығыны билдирир. Шаһидләр мәһбуслара һәјатларыны јахшылыға доғру дәјишмәјә көмәк едирләр. Бунун сајәсиндә мәһбуслар һәбсханадан чыханда ҹәмијјәтә асанлыгла јенидән интеграсија олурлар».

1991-ҹи илдә бир мәһбусдан мүраҹиәт аландан сонра Јеһованын Шаһидләри мүнтәзәм олараг, Мехикалидәки бир һәбсхана да дахил олмагла, Ашағы Калифорнијадакы һәбсханалара баш чәкирләр. Шаһидләрә вердији мүсаһибәдә Мехикалидә јерләшән Иҹтимаи Ислаһ Мәркәзинин директору Хесус Мануел Лопез Морено дејир: «Сизин бура ҝәләрәк мәһбуслара гајғы ҝөстәрмәјинизин сајәсиндә биз онлара көмәк едирик ки, онлар өзләриндә ҝүҹ тапыб: “Биз дә инсаныг. Биз дә һамы кимијик. Вә бурадан чыханда ҝәрәк ҹәмијјәтә јарарлы вәтәндаш олаг”, — дејә билсинләр... Дәстәјинизә ҝөрә сизә һәдсиз миннәтдарлығымы билдирирәм».

Јеһованын Шаһидләринин Мексикадакы нүмајәндәси Гамалиел Камарилло дејир: «Јеһованын Шаһидләринин әсас мәгсәди, мәһбуслар да дахил олмагла, һамынын Мүгәддәс Китаб тәлимләрини баша дүшмәсинә көмәк етмәкдир. Мехикалидәки јерли јығынҹағын вердији мәлумата ҝөрә бу шәһәрдәки һәбсханада ҹәза чәкән ән азы сәккиз мәһбус вәфтиз едиләрәк Јеһованын Шаһиди олуб. Биз фикирләширик ки, кечмишиндән асылы олмајараг һәр кәсин Аллаһын Кәламыны өјрәнмәјә һаггы вар».

Әлагә үчүн:

Бејнәлхалг мәлумат хидмәти: Ҹ. Р. Браун, тел.: +1 718 560 5000

Мексика: Гамалиел Камарилло, тел.: +52 555 133 3048