Авропа Мәһкәмәси Јеһованын Шаһидләринин шәхси һәјата һөрмәт һүгугуну мүдафиә едиб

НЈУ-ЈОРК. Ҹүмә ахшамы, 6 ијун 2013-ҹү ил тарихиндә Авропа Инсан Һүгуглары Мәһкәмәси (АИҺМ) ханым В. Жукова вә Ј. Авилкинанын һәр биринә дәјмиш зәрәрин әвәзи кими Русија һөкумәтинин 5000 авро (6622 доллар) һәҹминдә тәзминат өдәмәси һагда гәрар чыхарыб. Русија һүгуг мүһафизә органлары В. Жуковаја вә Ј. Авилкинаја мәхсус тибби сәнәдләри онларын иҹазәси олмадан әлә кечирмишләр. Мәһкәмә бәјан етмишдир ки, онларын шәхси һәјата һөрмәт һүгугу позулуб. Мәһкәмә Авропа Конвенсијасы тәрәфиндән горунан бу һүгугу «олдугҹа ваҹиб принсип» кими характеризә етмишдир.

Мәһкәмәнин бу гәрары 5 ил давам едән һүгуги чәкишмәләрә сон гојду. 2007-ҹи илдә Санкт-Петербург шәһәринин прокурор мүавини тәләб етмишдир ки, шәһәрин бүтүн тибб мүәссисәләри «Јеһованын Шаһидләринин ганын вә онун компонентләринин көчүрүлмәсиндән һәр бир имтина факты» һагда прокурорлуға хәбәр версин. Мараглыдыр ки, бу һагда пасиентләрә билдириш ҝөндәрилмәмиш вә онларын разылығы алынмамышдыр. Нәтиҹәдә, 2009-ҹу ил 9 март тарихиндә Шаһидләр АИҺМ-ә «Авилкина вә башгалары Русијаја гаршы» шикајәт әризәси тәгдим етмишләр. Мәһкәмә вердији гәрарда Русија һүгуг мүһафизә органларынын һәрәкәтини «олдугҹа сәрт» кими характеризә етмишдир вә тәсдиг етмишдир ки, шикајәтчиләр барәдә мәхфи мәлуматын прокурорлуға тәгдим етмәк үчүн ҝәтирилән әсасларын «мәсәләјә аидијјаты јохдур вә јетәрли дејил».

Јеһованын Шаһидләринин Русијадакы рәсми нүмајәндәси Григори Мартынов мәсәләнин маһијјәтини вурғулајараг гејд етмишдир: «Мәһкәмәнин бу гәрары һәм Русија вәтәндашларынын, һәм дә Авропа Шурасы тәркибиндәки дөвләтләрдә јашајан вәтәндашларын әсас һүгугларынын горунмасына хидмәт едәҹәкдир».

Әлагә үчүн:

Бејнәлхалг: мәлумат хидмәти, Ҹ. Р. Браун, тел. +1 718 560 5000

Русија: Григори Мартынов, тел.: +7 812 702 2691