НЈУ-ЈОРК. Русијада Јеһованын Шаһидләри ибадәтләринин гадаған олунмасы тәһлүкәси илә үз-үзә дурурлар. Буна ҹаваб олараг онлар һүгугларынын мүдафиә едилмәси мәгсәдилә бирбаша Кремлә вә Али Мәһкәмәјә мүраҹиәт етмәк гәрарына ҝәлибләр вә үмумдүнја мәктубјазма кампанијасына башлајыблар. Јеһованын Шаһидләринин Рәһбәрлик Шурасы бүтүн дүнјада јашајан 8 милјондан чох Јеһованын Шаһидини бу кампанијаја гошулмаға сәсләјир.

2017-ҹи ил мартын 15-и Русија Республикасынын Әдлијјә Назирлији Русијадакы Јеһованын Шаһидләринин Идарә Мәркәзини екстремист олмасыны иддиасы вә онун бағланмасы тәләби илә Русија Федерасијасынын Али Мәһкәмәсинә мүраҹиәт едиб. Һәмчинин јерли филиалынын фәалијјәтинин гадаған олунмасыны тәләб едибләр. Әҝәр Али Мәһкәмә бу иддианы тәмин етсә, Јеһованын Шаһидләринин Санкт-Петербург јахынлығындакы јерли баш идарәси бағланаҹаг. Бундан әлавә, Јеһованын Шаһидләринин 400-ә јахын гејдијјатдан кечмиш јерли дини иҹмасы ләғв олунаҹаг, нәтиҹәдә исә 2300-дән чох јығынҹағын фәалијјәти дајандырылаҹаг. Филиал биналары вә өлкәнин һәр јериндә јерләшән ибадәт евләри дөвләт тәрәфиндән мүсадирә едиләҹәк. Бундан башга, дини фәалијјәтлә мәшғул олдуглары үчүн Јеһованын Шаһидләринин һәр биринә гаршы ҹинајәт иши ачылаҹаг. Апрелин 5-и Али Мәһкәмә бу иддиаја бахаҹаг.

Јеһованын Шаһидләринин үмумдүнја баш идарәсинин нүмајәндәси Дејвид Семониан дејир: «Јеһованын Шаһидләринин Рәһбәрлик Шурасы диггәтимизи бу ҝәрҝин вәзијјәтә јөнәлтмәк истәјир. Динҹ, ганунлара табе олан бу вәтәндашларын бир террорист кими екстремист фәалијјәтдә тәгсиркар билинмәси һагсызлыгдыр. Бу ҹүр иттиһамлар тамамилә әсассыздыр».

Јеһованын Шаһидләринин башладығы бу үмумдүнја кампанија јени бир шеј дејил. Тәхминән 20 ил бундан әввәл Русијадакы диндашларымыз һәмин дөврдәки бәзи һакимијјәт нүмајәндәләри тәрәфиндән сахта иттиһамлара мәруз галмышдылар. Елә о вахт да бүтүн дүнјадакы Шаһидләр өз диндашларынын мүдафиәси үчүн јазылы мүраҹиәт етмишдиләр. Бундан әлавә, Шаһидләр Иорданија, Кореја вә Малави кими өлкәләрдә һакимијјәт нүмајәндәләрини диндашларымызы тәгиб етмәји дајандырмасы үчүн үмумдүнја мәктубјазма кампанијалары тәшкил етмишләр.

Дејвид Семониан әлавә едир: «Диндашлары илә бирҝә Мүгәддәс Китабы охумаг, нәғмә ифа етмәк вә дуа етмәк һеч ҹүр ҹинајәт һесаб едилә билмәз. Үмид едирик ки, үмумдүнја мәктубјазма кампанијасы Русија рәсмиләрини диндашларымыза гаршы едилән бу әдаләтсиз һәрәкәтә сон гојмаға тәшвиг едәҹәк».

Әлагә үчүн:

Бејнәлхалг мәлумат хидмәти: Дејвид Семониан, тел.: +1 845 524 3000

Русија: Јарослав Сивулскиј, тел.: +7 812 702 2691