ЛВОВ, Украјна. Јеһованын Шаһидләринин Лвовдакы филиалы хәбәр верир ки, 2014-ҹү ил ијунун 17-и Украјнанын шәргиндә јерләшән Краматорск шәһәриндә Јеһованын Шаһиди олан бир киши машынына јахын јердә баш верән бомба партлајышы нәтиҹәсиндә һәјатыны итирмишдир. Бир нечә ај әввәл өлкәдә баш галдырмыш иғтишашлар нәтиҹәсиндә башга һеч бир Јеһованын Шаһиди өлмәмиш вә ҹидди хәсарәт алмамышдыр. Бунунла белә, јүзләрлә Јеһованын Шаһиди Украјнанын шәргиндәки тәһлүкәли әразидән тәхлијјә олунмушду. Онлар өз һәмиманлыларынын евиндә сығынаҹаг тапмышлар.

Мөвҹуд вәзијјәтә бахмајараг Украјнадакы Шаһидләр Мүгәддәс Китабын тәсәлливериҹи хәбәрини башга инсанларла бөлүшүрләр. 2014-ҹү ил ијун ајынын илк јарысында Украјнанын шәргиндә Јеһованын Шаһидләри сүлһ шәраитиндә бөјүк ҝөрүшләр кечирмишләр. Бу ҝөрүшләрдә Мүгәддәс Китаба әсасланан мәрузәләр вә Мүгәддәс Китаб мәсләһәтләринин ҝүндәлик һәјатда тәтбиги илә бағлы сәһнәҹикләр тәгдим олунурду. Орада 5200-дән чох инсан иштирак етмишди. Јеһованын Шаһидләри Украјна вә Крымда 40-а јахын реҝионал конгрес кечирмәји планлашдырырлар. Конгресдә вурғуланаҹаг башлыҹа мөвзу Аллаһ Падшаһлығынын рәһбәрлији алтында сүлһ ичиндәки ҝәләҹәклә бағлы олаҹаг. Бу конгресләрдә, 7500-ү Крымда олмагла, 165 000 инсанын иштиракы ҝөзләнилир.

Әлагә үчүн:

Бејнәлхалг: мәлумат хидмәти, Ҹ. Р. Браун, тел.: +1 718 560 5000

Украјна: Васил Кобел, тел.: +38 032 240 9323