НЈУ-ЈОРК, БРУКЛИН. 2013-ҹү ил 5 ијул тарихиндә Јеһованын Шаһидләри вахтилә чап ишиндә истифадә олунан 5 бинадан ибарәт комплексин вә 30 мәртәбәли јашајыш бинасынын «RFR» вә «Kushner» ширкәтләринә сатышы илә бағлы сазиш имзалајыблар. Комплекс биналарын бошалдылмасына бу илин август ајында башланаҹаг. Јашајыш бинасы исә 2017-ҹи илдә бошалдылаҹаг.

Јеһованын Шаһидләринин медиа нүмајәндәси гејд етмишдир: «Бир чох Нју-Јорк сакинләринин, еләҹә дә Бруклин көрпүсүндән кечән шәһәрин гонагларынын бу биналарын үзәриндәки “Аллаһын Кәламы олан Мүгәддәс Китабы һәр ҝүн охујун”, һәмчинин “Ҝөзәтчи ҝүлләси” вә “Ојанын!” журналларыны охујун” јазыларыны ҝөрмәк имканы вар. Узун илләр әрзиндә бу биналарда ҝөрүлән ишләр тәшкилатымызын тарихинин ваҹиб һиссәсидир». Беш бинадан ибарәт бу комплексдә 77 ил әрзиндә бир чох дилләрдә Мүгәддәс Китаб вә она әсасланан нәшрләр чап едилирди. Комплексин илк бинасы 1927-ҹи илдә алынмышды, 1937-ҹи илдән етибарән исә она диҝәр биналар да әлавә едилмишди. Јашајыш бинасында јашајан минә јахын инсан бинаны тәрк етмәдән чапханаја ишә ҝедә билирди.

Јеһованын Шаһидләри бу биналары баш идарәнин Нју-Јорк штатынын диҝәр рајонуна көчүрүлмәси илә әлагәдар сатырлар. Көчүрүлмә ишләри 2004-ҹү илдә, АБШ-дакы чапхана, ҹилдләмә вә ҝөндәрмә шөбәләринин Уолкиллә (Нју-Јорк штаты) көчүрүлмәси илә башламышды. Һал-һазырда Шаһидләр үмумдүнја баш идарәләрини Уорвикә көчүрмәји планлашдырырлар. Јени комплексин тикинтисинә бу ил старт верилмәлидир.

Јеһованын Шаһидләринин медиа нүмајәндәси әлавә едир: «Бруклинлә бағлы олан тарихи мирасымыз бизим үчүн чох әзиздир. Бу биналарда бүтүн дүнјада инсанлара фајда ҝәтирән Мүгәддәс Китаб әдәбијјатлары нәшр едилирди. Үмидварыг ки, Уорвикдәки јени комплексләр Мүгәддәс Китаб үзрә үмумдүнја маарифләндирмә ишимизин ирәлиләмәсинә хидмәт едәҹәк».

Әлагә үчүн:

Бејнәлхалг: мәлумат хидмәти, Ҹ. Р. Браун, тел.: +1 718 560 5000