НЈУ-ЈОРК. 13 апрел 2013-ҹү ил тарихиндә Јеһованын Шаһидләри алты ај давам едән тәмир ишләриндән сонра тарихи «Стенли» театр бинасынын (Ҹерси-Сити, Нју–Ҹерси штаты) гапыларыны һамынын үзүнә ачдылар. 30 илә јахындыр ки, бу бина бөјүк Мүгәддәс Китаб семинарларынын кечирилдији Конгрес залы кими истифадә едилир. Мүгәддәс Китаб үзрә пулсуз маарифләндирмә тәдбирләри үчүн нәзәрдә тутулан бу мәркәз тәмирдән сонра даһа ҝөзәл вә раһат олду.

Һәр ил ибадәт мәгсәдилә бурада тәшкил олунан тәдбирләрдә 250 000-дән чох инсан иштирак едир. Театр бинасы јени, даһа раһат отураҹагларла тәмин олунуб. Баш, еләҹә дә гоншу заллар, әсас етибарилә, Америка жест дилиндә видеоматериалларынын нүмајиши үчүн нәзәрдә тутулан мүасир техники аваданлыгла тәҹһиз едилиб.

Лајиһәдә иштирак едәнләрин бөјүк гисми Јеһованын Шаһиди олан көнүллүләр иди. Гејри-ади тарихи олан бинанын тәмириндә чалышан бу көнүллүләр АБШ-ын мүхтәлиф јерләриндән ҝәлмишдиләр.

«Стенли» театры 1920-ҹи илләрин сонунда инша едилмишди. Бу бина АБШ-да тикилән ән бөјүк кинотеатрлардан бири олуб. 1978-ҹи илдә ону бағламалы олдулар, амма 1983-ҹү илдә Јеһованын Шаһидләри артыг бәрбад һалда олан бу тарихи бинаны алыб бәрпа етмишдиләр. 1985-ҹи илдә театрын гапылары јенидән ачылды. О вахтдан бәри Јеһованын Шаһидләри ону Мүгәддәс Китаб тәлим мәркәзи кими истифадә едирләр.

Сонунҹу тәмир ишләри барәдә Јеһованын Шаһидләринин нүмајәндәси Ҹ. Браун демишди: «“Стенли” театр бинасы, әсасән, ибадәт еви кими истифадә олунур. Бурада 15-дән чох дилдә Мүгәддәс Китаб тәлими алмаг олар. Јеһованын Шаһидләри һәм дә Нју–Ҹерси штатынын дәјәрли мәдәни ирси олан бу тарихи абидәни севә-севә горујурлар».

Әлагә үчүн:

Бејнәлхалг: мәлумат хидмәти, Ҹ. Р. Браун, тел.: +1 718 560 5000