НУМЕА, Јени Каледонија. 2015-ҹи ил мартын 13-ү ҝеҹә јарысындан башлајараг Сакит океан адаларында јашајан Вануату әһалиси 5 бал ҝүҹүндә «Пам» тропик сиклонуна мәруз галмышды. Јеһованын Шаһидләринин Јени Каледонијадакы филиалынын илкин һесабатында гејд олунур ки, дағыдыҹы гасырға заманы Јеһованын Шаһидләриндән өлән вә ја јараланан олмајыб. Дағынтынын мигјасы һәлә дә там мүәјјәнләшмәсә дә, Ефате адасында 31 Јеһованын Шаһидинин евинин дағылмасы вә 58-нә ҹидди шәкилдә зијан дәјмәси тәсдигләниб. Танна адасында демәк олар ки, бүтүн Јеһованын Шаһидләринин евләри дағылыб вә ја ҹидди шәкилдә зијан ҝөрүб. Гасырға нәтиҹәсиндә 3 ибадәт еви дағылмыш, диҝәри исә үстүнә ағаҹ ашдығы үчүн зијан ҝөрмүшдү.

Вануатунун пајтахты Порт-Вилада тәшкил олунмуш тәбии фәлакәтдән зәрәрчәкәнләрә јардым комитәси 100 Шаһиди гида, ичмәли су вә сығынаҹагла тәмин едиб. Үстәлик, Танна адасында јашајан Шаһидләрин зәрури еһтијаҹларыны тәмин етмәк үчүн 1 тон һуманитар јардым ҝөндәрилмишди. Австралија филиалы чадырларын гурулмасында, зәрәр ҝөрмүш евләрин тәмириндә, јорған-дөшәк, ҝејим вә бу кими еһтијаҹларын өдәнмәсиндә Јени Каледонија филиалы илә әмәкдашлыг етмишдир.

Јеһованын Шаһидләринин Јени Каледонијадакы нүмајәндәси Жан Пјер Франсин дејир: «Һәмиманлыларымыза ҝөстәрдикләри јардымлара ҝөрә һаким даирәләрә вә диҝәр өлкәләрә миннәтдарыг. Вануату истигамәтинә учушлар бәрпа едилиб. Бунун сајәсиндә аданы зијарәт едән Јени Каледонија филиалынын нүмајәндәси вә сәјјар нәзарәтчиләр һәм руһани, һәм дә мәнәви јардым едирләр».

Әлагә үчүн:

Бејнәлхалг: мәлумат хидмәти, Ҹ. Р. Браун, тел.: +1 718 560 5000

Јени Каледонија: Жан Пјер Франсин, тел.: +687 437 500