Естонија «Бөјүк уғуру» алгышлады
Естон дилиндә чыхан «Мүгәддәс Јазыларын Јени Дүнја Тәрҹүмәси» 2014-ҹү илдә Естонијада дилин инкишафы јолунда илин мүкафатына лајиг ҝөрүлмүшдү. Сон сәсвермә нәтиҹәсиндә бу нәшр 18 намизәдин ичиндә үчүнҹү јери тутмушду.
Мүгәддәс Китабын 2014-ҹү ил августун 8-и ишыг үзү ҝөрән бу јени тәрҹүмәси Естон дили институтунда чалышан дилчи Кристина Рос тәрәфиндән мүкафатландырылмышдыр. О, «Мүгәддәс Јазыларын Јени Дүнја Тәрҹүмәси»нин раһат охундуғуну вә инсана зөвг вердијини сөјләмиш, һәмчинин гејд етмишди ки, бу әсәр естон дилинә тәрҹүмә саһәсини әһәмијјәтли дәрәҹәдә ҝенишләндириб. Естон әдәбијјаты вә мәдәнијјәти үзрә профессор Рејн Вејдмән бу јени тәрҹүмәни «бөјүк уғур» адландырмышды.
Естон дилиндә Мүгәддәс Китаб там шәкилдә илк дәфә 1739-ҹу илдә дәрҹ олунуб. О вахтдан бәри диҝәр тәрҹүмәләр дә әрсәјә ҝәлиб. Мараглыдыр, бәс нәјә ҝөрә мәһз «Јени Дүнја Тәрҹүмәси» «бөјүк уғур» адланыр?
Дәгиглик. 1988-ҹи илдә естон дилиндә чыхан вә ҝениш јајылан Мүгәддәс Китаб тәрҹүмәсинин Төврат һиссәсиндә (Әһди-Әтиг) Аллаһын ады 6800 дәфә јазылмыш вә «Jehoova» (Јеһова) кими тәрҹүмә олунмушдур *. Естон дилиндә олан «Јени Дүнја Тәрҹүмәси»ндә дә ејни иш һәјата кечирилмиш, һәтта даһа чох шејә наил олунмушдур. «Јени Дүнја Тәрҹүмәси»нин Инҹил һиссәсиндә дә (Әһди-Ҹәдид), һарада Аллаһын адыны јазмаға там әсас вар, орада бу ад јазылыб.
Ајдынлыг. Бәс «Јени Дүнја Тәрҹүмәси»ни дәгиг вә охунаглы тәрҹүмә адландырмаг олармы? Танынмыш Мүгәддәс Китаб тәрҹүмәчиси Тоомас Пол «Еести Кирик» (Естонија килсәси) гәзетиндә јазмышды ки, «Јени Дүнја Тәрҹүмәси»ни тәрҹүмә едәнләр Мүгәддәс Китабы тәбии естон дилинә тәрҹүмә етмәк мәгсәдинә чатыблар. О һәмчинин јазмышды: «Мән әминликлә дејә биләрәм ки, илк дәфәдир бу мәгсәдә наил олунур».
Естон дилиндәки тәрҹүмәдән фајда әлдә едәнләр
«Јени Дүнја Тәрҹүмәси» естонлулар тәрәфиндән чох ҝөзәл гаршыланды. Милли радиода јени Мүгәддәс Китаба һәср олунмуш 40 дәгигәлик верилиш јајымланды. Кешишләр вә килсәјә ҝәлән инсанлар бу китабын нүсхәләрини әлдә етмәк үчүн Јеһованын Шаһидләринә мүраҹиәт етдиләр. Таллин шәһәринин ән габагҹыл мәктәбләриндән бири синифдә истифадә етмәк үчүн 20 нүсхә «Јени Дүнја Тәрҹүмәси» истәди. Естон халгы китаб охумағы чох севир вә Јеһованын Шаһидләри китабларын шаһы олан Мүгәддәс Китабын дәгиг вә ајдын тәрҹүмәсини онлара вермәјә чох шаддырлар.
^ абз. 5 Естонлуларын Аллаһын адыны нәјә ҝөрә Jehoova кими тәләффүз етмәк гәрарына ҝәлдикләрини изаһ едәндән сонра Тарту Университетинин Әһди-Ҹәдид кафедрасынын ишчиси Ајн Ристан сөзүнә белә јекун вурур: «Дүшүнүрәм ки, «Jehoova» һазырда даһа мүнасиб вариантдыр. Мәншәјинә бахмајараг, бу ад бир чох нәсилләр үчүн мүһүм вә дәрин мәна дашыјыр. «Jehoova» Оғлуну бәшәријјәти хилас етмәк үчүн ҝөндәрән Аллаһын адыдыр».
You May Also Like
ESSENTIAL BIBLE TEACHINGS
Аллаһын ады вармы?
Аллаһа мүхтәлиф сифәтләрлә мүраҹиәт олунур, мәсәлән, Гүдрәт Саһиби, Јарадан, Аға. Амма Онун тәк бир ады вар. Бу ад Мүгәддәс Китабда тәхминән 7000 дәфә јазылыб.
НӘШРИЈЈАТ ИШИМИЗ
Ана дилләриндә Мүгәддәс Китаб
«Мүгәддәс Јазыларын Јени Дүнја тәрҹүмәси»ни истәјән һәр кәс пулсуз әлдә едә биләр.
НӘШРИЈЈАТ ИШИМИЗ
Мүгәддәс Китабын јени тәрҹүмәси неҹә әрсәјә ҝәлиб?
Мүгәддәс Јазыларын Јени Дүнја Тәрҹүмәсинин 2013-ҹү ил бурахылышы неҹә әрсәјә ҝәлди? Нәјә ҝөрә бу јени, ҝөзәл нәшри әрсәјә ҝәтирмәк үчүн бу гәдәр вахт, пул вә гүввә сәрф олунуб?