Ишчиләр тикинти машынларынын сахланылаҹағы гаражын гаршысына бетон төкүр.

Подратчылар иншаат мүддәтиндә мүвәггәти ев вә јемәкхана олаҹаг бинанын дам өртүкләрини гурашдырыр.

Бир ишчи ағаҹ кәсиҹи гурғулу екскаваторла әсас ҝириш олаҹаг әразини ағаҹлардан тәмизләјир. Ағаҹ кәсиҹи ағаҹы тутараг ону ҝөвдәсиндән кәсир, сонра исә екскаватор ағаҹлары орадан јығыр. Лајиһә тамамланана гәдәр кәсилән ағаҹларын әвәзинә минләрлә јени ағаҹ әкиләҹәк.

Ишчиләр әразини торпагда галан лазымсыз материаллардан тәмизләјир. Бундан сонра торпағы бир дә тәмизләјиб јенидән истифадә етмәк мүмкүн олаҹаг.

Ишчиләр галдырыҹы кран васитәсилә мүвәггәти кабинәләри лазыми јерә галдырмаға һазырлашыр. Подратчылар вә даими тикинти групу бу кабинәләрдән тикинти әразисиндә офис вә хидмәт објектләри кими истифадә едәҹәкләр.

Ишчиләр тәкрар емал етмәк үчүн хаммал кими истифадәјә јарарлы туллантылары хүсуси гутулара чешидләјир. Иншаат лајиһә комитәси зәрәрсиз туллантыларын 95 фаизини јенидән истифадә етмәји планлашдырмышды, һал-һазырда бу план артыгламасы илә јеринә јетирилиб. Бундан әлавә, кәрпиҹ, бетон, тахта-шалбан кими тикинти туллантыларынын 89 фаизи иншаатда истифадә едилиб.

Тикинти бригадасынын ишчиси мүвәггәти јашајыш биналарынын бору кәмәри, кабел хәтләринин кечдији хәндәји долдурур.

Подратчы торпагдан нүмунә ҝөтүрәрәк онун тикинти әразисиндә јолларын салынмасы үчүн истифадәјә јарарлы олуб-олмадығыны јохлајыр.

31 мај 2016-ҹы ил тарихиндә Јеһованын Шаһидләринин Рәһбәрлик Шурасы филиалын бу пројектини тәсдигләди. Лајиһәнин тикинтисинә јерли органлардан да иҹазә алындығындан тикинти ишләринә башланылды.

Ишчиләр әразидән ҝөтүрүлән торпағы лазымсыз материаллардан тәмизләјир ки, даһа сонра ону јенидән истифадә едә билсинләр. Ҝөрүлән бу иш чиркли торпағын әразидән дашынмасына вә јени торпағын алынмасына сәрф олунан хәрҹләри арадан галдырыр.

Ишчиләр әсас ҝириш јолу салынаҹаг әразини тәмизләјир. Бир ај әрзиндә јаған шиддәтли јағышларын әразини батаглыға чевирмәсинә бахмајараг, иш давам етдирилди.

Тозу јатыртмаг үчүн јоллара су сәпилир. Иншаат лајиһә комитәси гејдијјатда олдуғу «Considerate Constructors Scheme» адлы ширкәтин әсас тәләбләриндән бири олан тикинти саһәсинин тәмиз сахланылмасы илә бағлы ҝөстәришләрә риајәт едир. Ширкәтин бу тәләби Мүгәддәс Китабын инсанлара һөрмәт етмәк вә әтрафдакылара гаршы диггәтҹил олмаг принсипләри илә үст-үстә дүшүр.

Гајнагчы һаваландырма боруларыны сахлајаҹаг асгылар үчүн јивли милләр кәсир.

Ишчиләр 20 000 куб метр гарышыг торпағы тикинти дашларындан ајырыр. Шәкилдән ҝөрүндүјү кими, торпаг бункерә төкүлүр. Бөјүк вә орта өлчүлү гырынтылары тәмизләмәк үчүн мүхтәлиф өлчүлү әләкләрдән истифадә олунур вә беләҹә, даһа нарын торпаг әлдә олунур. Үч тәрәфә истигамәтләнән конвејерләр ајрылмыш материаллары јүк машынларына јүкләјир.

Подратчылар тикинти әразисиндәки торпаг сәвијјәсини лајиһә тәләбләринә ујғунлашдырмаг үчүн бөјүк мигдарда торпаг дашыјыр.

Шәклин мәркәздән сола доғру һиссәсиндә ҝөрмәк олар ки, торпаг сәвијјәсини бәрабәрләшдирмәк иши тамамланмаг үзрәдир вә артыг бу әразидә биналарын тәмәлини гојмаг олар. Шәклин лап солунда исә 118 тикинти ишчисинин мәскунлашмасы үчүн тикилмиш мүвәггәти јашајыш биналары ҝөрүнүр.