Јени офис бинасынын ҝириш һиссәси јашыллығын вә даш дөшәмәнин салынмасы үчүн һазырланыб. Ашағыда сол тәрәфдә олан сәки истилик системи илә тәҹһиз олунуб. Бу, гыш ајларында сәтһин сүрүшкән олмамасы вә пијадаларын раһат ҝедиб-ҝәлишини тәмин етмәк үчүн нәзәрдә тутулуб. Бу бинада Бејтел вә Филиал Комитәси бүросу, Хидмәт шөбәси јерләшир.

Интерјер шөбәсиндән бир нәфәр дөшәмәни ҹилалајыр. Тоз галхмасын дејә, ҹилалама машыны тозсорана гошулуб.

Јени дизајн верилмиш ротунда өз гапыларыны ҝәлән гонагларын вә Е јашајыш бинасында јашајан 200-дән чох бејтеллинин үзүнә ачыр. Ротунда енержијә гәнаәт едән пәнҹәрәләрлә вә јени јанғын хәбәрдарлыг системи илә тәмин олунуб.

Техники тәлим вермәк үчүн нәзәрдә тутулмуш јени бинада бир ишчи телекоммуникасија шәбәкәсини гурашдырыр. Бу јени бина ишчиләрә сантехник, електрик, тәһлүкәсизлик вә бу кими диҝәр саһәләрдә тәлим вермәјә хидмәт едир.

Бир електрик Техники тәлим шөбәси үчүн нәзәрдә тутулмуш јени бинада ЛЕД лампаларыны гурашдырыр.

Бир ишчи електрик борулары арасындакы мәсафәни јохлајыр. Тәмир олунан бу бинада Бруклиндән көчүрүлән шөбәләр јерләшдирилиб.

Ишчи гајнар сују тәмин едән борулары гајнаг едир.

Бинанын фасадыны ишләјән ишчиләр пәнҹәрә илә дивар арасындакы бошлуғу долдурурлар. Бу пәнҹәрәләр гышда вә јајда енержи иткисинин гаршысыны алыр. Тәкҹә бу бинада 298 белә пәнҹәрә гурашдырылыб.

1970-ҹи илләрдә тикилән диварын дашларындан истифадә едәрәк бәнналар Офис бинасы 1 вә Е јашајыш бинасы арасында јерләшән мәркәзи машын дајанаҹағы әтрафындакы һасары бәрпа едирләр.

Уста дивары рәнҝләмәздән әввәл ону ҹилалајыр. Тәмир олунмуш бу бинада мүһасибат, компүтер вә тәҹһизат шөбәләри јерләшир.

Ишчи кабели дама чыхарыр ки, илдырым сипәринә гошсун. Илдырым сипәри сајәсиндә илдырымдан бошалан ҝәрҝинлик бинаја зәрәр вурмадан торпаға кечир.

Уолкиллдә ҝенишләндирилмә иши әрзиндә, шәкилдә ҝөрдүјүмүз ағаҹлар да дахил олмагла, јашыллығын горунмасына хүсуси диггәт јетирилирди. Шәклин сол тәрәфиндә ҝөрүнән 150 000 литрлик су чәни Уолкилл комплексинин әсас су тәҹһизатыдыр. Бу чән һәмчинин јанғынсөндүрмә системини дә су илә тәмин едир.

Дүлҝәр акт залынын арха диварына тәхминән 1800 албалы ағаҹындан һазырланмыш блоклар дүзүр. Мүхтәлиф өлчүдә олан бу блоклар залдакы сәсин әкс-сәдасыны азалдыр.

Чарлз Рид 1958-ҹи илдән бәри Бејтелдә хидмәт едир. Бруклиндәки Бејтелин Бирләшмиш Штатлар вә диҝәр әразиләр үчүн нәшрләр чап етдији вахтларда Чарлз орада чап машынлары үчүн бетон бүнөврә һазырлајырды. Уолкиллдә ҝедән тикинти ишиндә Чарлз ишин кејфијјәтинә нәзарәт едән бригадада ишләјирди.

Ишчиләр акт залы үчүн отураҹаглар дашыјырлар. Тәмир олунан јени акт залы 812 нәфәр үчүн нәзәрдә тутулуб.

Тәмир заманы акт залына видео мониторлар вә акустик таван панелләри гурашдырылыб.

Тибби хидмәт ҝөстәрән тибб ишчиләри үчүн мәлумат бүросу јениләниб. Хәстәләрин еһтијаҹларыны нәзәрә алараг дәһлиз вә һамам отағы ҝенишләндирилиб.

Уолкилл комплексинин јухарыдан ҝөрүнүшү. Бурада тәхминән 2000 бејтелли хидмәт едир. 102 000 квадрат метри әһатә едән бу ҝенишләндирилмә иши 2015-ҹи ил нојабрын 30-да тамамланыб.