Бағбанлар палыд вә ағҹагајын ағаҹларыны ајрылмыш хүсуси әразијә бошалдыр. Уорвик әразисиндә 1400-дән чох јени ағаҹын әкилмәси нәзәрдә тутулуб.

Уорвик һејәти Иса Мәсиһин өлүмүнү анма мәрасимини гејд едир. Тәдбирдә иштирак едәнләрин үмуми сајы 384 нәфәрдир. Бу мәрасим Јеһованын Шаһидләри тәрәфиндән бүтүн дүнјада һәр ил кечирилир.

Монтажчылар ҝиришдәки көшкүн пәнҹәрәләрини гурашдырыр. Бурада ишләјәҹәк ҝөзәтчиләр зијарәтчиләри гаршылајаҹаг, биналарын тәһлүкәсизлијини тәмин едәҹәк вә әразијә дахил олан нәглијјат васитәләринин ҝириш-чыхышыны тәнзимләјәҹәк.

Ата вә оғул икинҹи мәртәбәнин дәһлизинә плитә ковралит дөшәјир. Корланан һиссәләрин дәјишдирилмәси асан олдуғу үчүн плитә ковралитләрдән иҹтимаи јерләрдә ҝениш истифадә олунур.

Монтажчылар офисләрә јери дәјишдирилә билән аракәсмәләр гурашдырыр. Бу аракәсмәләр сајәсиндә офисләрин дизајныны еһтијаҹа ҝөрә дәјишдирмәк мүмкүн олаҹаг.

Ишчи әсас ҝириш фојесиндәки ајагјолуну унитазларын вә аракәсмәләрин гурашдырылмасы үчүн һазырлајыр.

Фөвгәладә һаллар һејәти тәлим мәшги кечирир. Јанғынын гаршысыны тез алмағы өјрәнмәјин сајәсиндә онлар Уорвик ишчиләрини вә биналары јанғындан мүһафизә едә биләҹәкләр. Бу һәмчинин јерли әразидәки јанғынсөндүрәнләрин ишини азалдаҹаг.

Илк сәһәр ибадәти програмынын јајымландығы ҝүн. Офисиант әсас јемәкханада Уорвик ишчиләрини јербәјер едир.

Монтажчы лазерли сәвијјә өлчәнин көмәји илә 2500-дән чох мәлумат лөвһәсиндән бирини асыр. Бу лөвһәләр сакинләри вә зијарәтчиләри јөнләндирмәк үчүн нәзәрдә тутулуб.

Гајнагчы фоједән акт залына апаран әсас пилләкәнин сүраһисини гурашдырыр. Шәкилдә ҝөрүнән јанғынадавамлы әдјал артыг һазыр олан һиссәләри зәдәләнмәдән горујур.

Дивар вә таван ишләри илә мәшғул олан бригада ишчиси «Әмәлдә ҝөрүнән иман» адлы сәрҝијә апаран дәһлизин ҝипскартон диварында тамамлама ишләри апарыр. Бәләдчинин мүшајиәти олмадан зијарәт едиләҹәк бу сәрҝинин һәр бөлмәсинин мөвзусу мемарлыг елементләриндә әкс олунуб.

Ишчиләр бетон дөшәмәни ҹилалланмаја һазырлајыр. Ҹилалланма сајәсиндә бетон даһа дајаныглы олур, һәмчинин тоз вә шин изләри сахламыр, тәмизләнмәси даһа асан олур.

Монтажчылар әсас ҝириш талварыны ҝүнәш шүалары кечирән шүшә-лиф өртүклә өртүр.

Әр-арвад «Мүгәддәс Китаб вә Аллаһын ады» адлы сәрҝинин ҝиришинә гранит плитә дөшәјир.

Монтажчы 1018 әдәд отураҹагдан ибарәт әсас акт залына отураҹаг гурашдырыр. Бурада Бејтел аиләсинин «Ҝөзәтчи гүлләси» мүзакирәси вә диҝәр руһани тәдбирләрин кечирилмәси нәзәрдә тутулуб.

Монтажчылар, електрикләр вә диҝәр ишчиләр әсас фоједә зијарәтчиләр үчүн ишыглы мәлумат лөвһәси гурашдырыр.

Ики гадын әсас фоједә чалышан ишчиләр үчүн су дашыјыр. Ишчи һејәтинә хүсусилә дә исти һаваларда чохлу су гәбул етмәк мәсләһәт ҝөрүлүр.

Монтажчы «Мүгәддәс Китаб вә Аллаһын ады» адлы сәрҝидә нүмајиш олунаҹаг надир Мүгәддәс Китаблар үчүн витринләр гурашдырыр. Бурада нүмајиш олунаҹаг надир Мүгәддәс Китаб нүсхәләри вә Мүгәддәс Китабла бағлы експонатлар вахташыры јениләнәҹәк.

Уста прожектор васитәсилә әкс олунан Австралијанын вә Ҹәнуб-Шәрги Асија адаларынын хәритәсини дивара һәкк едир. Һәмин диварда «Јеһованын Шаһидләри» ифадәси тәхминән 700 дилдә јазылыб.

Бејтел аиләсинин үзвләри әрази илә танышлыг үчүн кечирилән иҹласда иштирак едир. Иҹлас бурада хидмәт едәҹәк бејтеллиләри гаршыламаг, һәмчинин онлары Уорвик әразиси вә иншаат әразисиндәки тәһлүкәсизлик тәдбирләри илә таныш етмәк үчүн тәшкил олунуб.

Монтажчылар JW телевизијасынын студијасында апарыҹынын масасыны ишыгландыраҹаг һалгавары ишығы вә ону сахлајан гурғуну гурашдырыр. Студијанын дизајны үчүн әксәр гурғулар Бруклиндәки студијадан ҝәтирилиб.

Електрик әсас ҝиришдә ЛЕД ишыглары илә тәҹһиз олунан лөвһәни гурашдырыр. Сентјабрын 1-индән баш идарәнин бир чох шөбәләри артыг Уорвик әразисиндә фәалијјәтә башламышды.