Бу јахынларда Ҝөзәтчи Гүлләси Ҹәмијјәтинин Уолкиллдәки (Нју-Јорк) фермаларынын алты илдир давам едән ҝенишләндирмә лајиһәси тамамланды. Сон ики ил әрзиндә лајиһәнин ишләри сүрәтләндирилдијиндән көнүллүләрин јерләшдирилмәси үчүн әлавә евләрә еһтијаҹ јаранмышды. Бу сәбәбдән јахынлыгдакы әразидән 25 ев кирајәләнмишди.

Евләрини Јеһованын Шаһидләринә кирајә верән ев саһибләринин тәәссүратлары.

• Бир ев саһиби дејир: «Кирајәчиләримиздән чох разыјыг. Һәјат јолдашымла мән кирајә вердијимиз евин дүз јанында галырыг. Онларла дил тапмаг асан иди, һәм дә бу инсанлар чох меһрибан идиләр».

• Кирајә вердији евин јахынлығында јашајан башга бир саһибкар исә дејир: «Онларла бағлы јалныз хош хатирәләримиз вар. Тез-тез бу ҝәнҹләри евимизин архасындакы һовузда чиммәјә чағырырдыг. Онларын неҹә диггәтҹил вә һөрмәтҹил олдугларыны ҝөрәрдиниз... Бирҝә вахт кечирмәк олдугҹа хош иди. Кирајәчиләримиз үчүн дарыхаҹағыг. Чәтин ки белә јахшы кирајәчи тапаг».

• Башга бир ев саһиби дејир: «Онлар тәкҹә јахшы кирајәчи јох, һәм дә ҝөзәл гоншу идиләр».

Кирајәчиләр ҝедәндән сонра ев саһибләри евләрин вәзијјәти барәдә данышыр.

• «Иҹарә һаггы вахтлы-вахтында өдәнилирди. Еви чох јахшы сахламышдылар. Онлардан сонра һәр шеј јерли-јериндә иди».

• «Евимизи јахшы сахладығыныза ҝөрә сизә вә Ҝөзәтчи Гүлләси Ҹәмијјәтинә миннәтдарлығымызы билдиририк», — дејә јухарыда өз тәәссүратларыны бөлүшән ев саһиби дејир. О гејд едир ки, Јеһованын Шаһидләринин еви бу гәдәр күнҹ-буҹагдан тәмизләјәҹәкләрини ҝөзләмирди.

• Бир гадын дејир: «Тәшкилатынызын нә гәдәр етибарлы олдуғуну билдијимиз үчүн ҝиров мәбләғ тәләб етмәдик. Һәр ики евимизи мүкәммәл вәзијјәтдә тәһвил алдыг».

• Бир ев саһиби евиндә бәзи тәмир ишләрини ҝөрән Шаһидләрдән сорушур: «Мәнимлә ишләјәрсиниз? Сиз нәјәсә сөз верәндә вахтында јеринә јетирирсиниз. Усталарым кими дејилсиниз, нә етсәм дә, ишләрини сөз вердикләри вахтда гуртармырлар».

• Бир ев саһиби кирајә мүддәти битмәмиш Шаһидләрә мәктуб јазараг билдирди ки, әҝәр мүгавиләни узатсалар, онлара хејли ендирим едәҹәк.

• Бир башга ев саһиби дејир: «Бөјүк мәмнунијјәтлә Ҝөзәтчи Гүлләси Ҹәмијјәтинә јенидән өз евләримизи кирајә верәрик».