«Елә бил, аиләви шәнликдир»  — дејә Франкфурт гәзетләриндән биринин башлығында јазылмышды («Frankfurter Rundschau»). Орада иштирак едәнләр дә бунунла разыдыр.

Пуерто-Рикодан ҝәлән Карла дејир: «Елә шәраит јаратмышдылар ки, өзүмү евимдә һисс етдим».

Австралијадан олан Сара исә бөлүшүр: «Санки атам евинә гонаг ҝәлмишәм, әслиндә исә дүнјанын о бири башындајам».

Онларын әһвал-руһијјәсини дәрһал нә дәјишдирди? Јеһованын Шаһидләринин бејнәлхалг топлантысы. Бу топланты 2014-ҹү ил 18—20 ијул тарихләриндә Франкфурт-Мајн (Алманија) шәһәриндәки Коммерзбанк-Арена стадионунда кечирилди. Бејнәлхалг топлантыда тәхминән 37 000 нәфәр иштирак етмишди.

Иштиракчылар бир јерә топлашыб Мүгәддәс Китабы өјрәнирдиләр. Бу тәһсил програмына Мүгәддәс Китабын охунмасы, нәғмәләр, дуалар, ики сәһнәләшдирилмиш тамаша вә Мүгәддәс Китаба әсасланан мәрузәләр дахил иди.

Бурада, јерли Јеһованын Шаһидләри дә дахил олмагла, Австралија, Британија, Бирләшмиш Штатлар, Ҹәнуби Африка, Ливан вә Јунаныстандан ҝәлмиш иштиракчыларла бирликдә 3000 нәфәр иштирак едирди. 70 өлкәдән тәхминән 234 нәфәр хүсуси хидмәт нөвүндә оланлар, мәсәлән, хүсуси тәјинатлы мүждәчи вар иди.

Програмын һиссәләри онлајн-јајым васитәсилә Алманијанын 19 әразисинә, һәмчинин Австрија вә Исвечрәнин әразисиндә јајымланды. Бүтүн әрази үзрә бу ҝөрүшдә иштирак едәнләрин сајы 204 046 нәфәр олду.

Франфуртдакы топланты алман, инҝилис вә јунан дилләриндә кечирилирди. Диҝәр топланты мәканларында исә програм әрәб, чин, тамил, түрк вә ики жест дили дә дахил олмагла, ејни вахтда 17 дилә тәрҹүмә едилирди.

Мүхтәлиф дилләрдә данышмаларына, фәргли өлкәләрдән ҝәлмәләринә вә мүхтәлиф мәдәнијјәтләрдән олмаларына бахмајараг, араларында ајры-сечкилик јох, мәһәббәтдән доған бирлик вар иди (Јәһја 13:34, 35). Онлар бир-бирләринә баҹы-гардаш ҝөзү илә бахыр вә бу ҹүр рәфтар едирдиләр.

Британијадан олан Тобиас билдирир: «Биз илк дәфәдән бејнәлхалг гардашлығымызын бүтүн сәрһәдләри ашдығыны һисс етдик».

Пуерто-Рикодан ҝәлән Давианна дејир: «Мән 20-дән чох өлкәдән ҝәлән һәмиманлыларымла таныш олдум. Биз Аллаһа вә бир-биримизә олан мәһәббәтдән доған бирлик ичиндә идик».

Австралијадан олан Малком бөлүшүр: «Мән кичик бир шәһәрдән олан Јеһованын Шаһидијәм. Бејнәлхалг гардашлығымызын бәнзәрсиз бирлији һагда охујурам, һәтта бу һагда видеоја да бахмышам. Бурада исә бу бирлији өз ҝөзләримлә ҝөрдүм. Баҹы-гардашлар арасында буну ҝөрмәк мәнә көмәк етди ки, бирлијин әслиндә нә демәк олдуғуну баша дүшүм. Бурада олмаг мәним иманымы чох мөһкәмләндирди».

Франкфуртдан вә әтраф әразиләрдән олан 58 јығынҹағын үзвләри гонаглара һәдијјәләр һазырламыш вә ахшамлар әјләнҹәли програмлар тәшкил етмишдиләр.

Бирләшмиш Штатлардан ҝәлән Синтиа дејир: «Биз бурада мөһтәшәм гонагпәрвәрлик ҝөрдүк. Мән гардашларымызын дәрин мәһәббәтини, хејирхаһлығыны вә әлиачыглығыны һеч вахт унутмајаҹағам».

Алманијада јашајан Симон бөлүшүр: «Орада һәдсиз мәһәббәт, севинҹ ҝүлүшү вә гардашлыг бирлији вар иди. Биз бир-биримиздән чох шеј өјрәндик».

Австралијадан ҝәлән Еми фикрини билдирир: «Ахшам програмы мәнә сүбут етди ки, Јеһованын Шаһидләри олан бизләр фанатик кими јашамырыг. Биз ләјагәтли шәкилдә неҹә әјләнәҹәјимизи дә билирик».

Франкфуртда кечирилән бу топланты дүнјанын доггуз өлкәсиндә кечирилән бејнәлхалг топлантылардан садәҹә бири иди.

Франкфуртдакы топлантыда иштирак едәнләрдән сорушанда ки, онларын нә хошуна ҝәлиб, нүмајәндәләрдән бири белә ҹаваб верди: «Елә бил индијә гәдәр ҝөрмәдијин јахын гоһумуну, гардашыны тапмысан. Илк дәфә ҝөрдүјүн инсан сәнә евинин, үрәјинин гапысыны ачыр. Вә сән һәдсиз севинҹлә долуб-дашырсан. Бурада олан 37 000 нәфәрин һамысы инди бу һиссләри јашајыр. Мәһз буна ҝөрә дә бурада олмаг хошдур».