«Аллаһын Падшаһлығына бу ҹүр истәк вә шөвглә хидмәт етдикләринә ҝөрә тәшкилатынызын үзвләрини алгышлајырам. Һәмиманлыларыныз вә ҹәмијјәт үчүн етдијиниз јахшы ишләри, хидмәти чох гијмәтләндиририк».

Бу сөзләри Атланта (Ҹорҹија, АБШ) шәһәринин мери Касим Рид өз мәктубунда јазмышды. Бу мәктубла мер Јеһованын Шаһидләрини Атлантада кечириләҹәк үч бөјүк конгресә дәвәт едирди.

Атланта шәһәринин шәһәр шурасы да конгрес иштиракчыларыны дәвәт едирди. Мәктубда дејилир: «Бүтүн дүнјадакы сәккиз милјона јахын јүзләрлә етник вә дил групуна аид олан Јеһованын Шаһидләри бир мәгсәдә хидмәт едирләр... Сиз Мүгәддәс Китабда ады чәкилән вә һәр шејин Јараданы Јеһова Аллаһы шәрәфләндирмәк истәјирсиниз».

Бу үч конгрес 2014-ҹү илин ијул вә август ајларында кечирилмишди. Конгресләрдән икиси инҝилис, бири исә испан дилиндә кечирилмишди. Ән азы 28 өлкәдән гонаглар ҝәлмишди. Инҝилис дилиндә кечирилән конгресләр ејни вахтда рус вә јапон дилинә дә тәрҹүмә едилирди. Бу үч конгресдә иштирак едәнләрин үмуми сајы 95 689 нәфәр иди.

2014-ҹү илдә Јеһованын Шаһидләри үмумиликдә 9 өлкәдә 24 бејнәлхалг конгрес кечирмишләр ки, бунлардан да 16-сы Бирләшмиш Штатларын мүхтәлиф јерләриндә баш тутмушду.