Биз әминик ки, бүтүн иргләр Аллаһын ҝөзүндә ејнидир (Һәвариләрин ишләри 10:34, 35). Мүгәддәс Китаб васитәсилә инсанлара диҝәр ирг вә ја милләтә гаршы нифрәт һиссинин өһдәсиндән ҝәлмәјә көмәк едирик.

Бундан әлавә, биз диҝәр ирг вә ја халга нифрәт зәмининдә тәшкил едилән һәрәкатларын һеч бирини дәстәкләмирик. Мәсәлән, насизм дөврүндә Алманијада вә диҝәр өлкәләрдә јашајан Јеһованын Шаһидләри Һитлерин нифрәт долу сијасәтини дәстәкләмәкдән имтина етмишдиләр. Јүзләрлә инсан мәһз бу сәбәбдән гәтлә јетирилмишди.

Јеһованын Шаһидләринин тәшкилаты өз үзвләрини 1994-ҹү илдә Руандада баш вермиш сојгырымында иштирак етмәјә сәсләмирди. Иман баҹы-гардашларымыз һәтта һәјатларыны тәһлүкәјә атараг тәгиб едиләнләри мүдафиә едирдиләр вә онлардан бәзиләри буна ҝөрә өз һәјатларыны итирмишдиләр.

Биз һамыја көмәк етмәк истәјирик, буна ҝөрә дә 600-дән чох дилдә Мүгәддәс Китаба әсасланан әдәбијјат нәшр едирик. Бу сәбәбдән биз миллијјәтиндән вә дилиндән асылы олмајараг, јығынҹағымыза ҝәлән һәр бир инсаны сәмими гаршылајырыг (Вәһј 7:9).