Јеһованын Шаһидләри 2012-ҹи ил декабр ајындан башлајараг Таиланддакы шаҝирдләрә мәктәбдә јахшы охумаға көмәк етмәк үчүн хүсуси кампанија кечирибләр. Ијирми јеткин Јеһованын Шаһиди Бангкокдакы мәктәбләри зијарәт етди. Онлар һәр мәктәбин рәһбәрлији илә ҝөрүшүб һәм мүәллимләрә, һәм дә шаҝирдләрә «Мәктәбдә уғура неҹә наил олмаг олар?» адлы «Ојанын!» журналынын октјабр 2012-ҹи ил сајыны вердиләр.

Кампанија уғурлу кечди вә Јеһованын Шаһидләри бу кампанијаны бүтүн өлкәдә кечиртди. Ил јарым әрзиндә онлар 830 мәктәби зијарәт етдиләр. Мүәллимләр вә шаҝирдләр «Ојанын!» журналынын бу сајыны һәвәслә гәбул етдикләриндән, тәләбаты гаршыламаг үчүн бу журнал јенидән 3 дәфә чап едилди. Илк тиражда «Ојанын!» журналынын октјабр 2012 ҹи ил сајындан тәхминән 30 000 әдәд чап едилди. Мәгалә елә мараглы олду ки, журналын 650 000-дән чох нүсхәси пајланылды.

Мәктәб рәһбәрлији вә мүәллимләр «Ојанын!» журналынын дәјәрини тез баша дүшдүләр. Мүәллимләрдән бири демишди: «Бу журнал шаҝирдләримизә көмәк едир ки, аиләләри илә сых мүнасибәтләр гурсунлар вә јахшы мәгсәдләрә ҹан атсынлар». Бәзи мәктәбләр бу вәсаитләри тәдрис планына салдылар. Башгалары исә бу журналдан оху дәрсиндә истифадә етдиләр. Бир мәктәбдә шаҝирдләрә бу журнал әсасында инша јазмалары тапшырылды вә ән јахшы инша јазанлар мүкафатландырылдылар.

Бу журналда олан «Ҝәнҹлик чағларында пијләнмәјә гаршы мүбаризәдә галиб ҝәл» мәгаләси бир мәктәбли гызын хошуна ҝәлди. О бөлүшүр ки, пијләнмә глобал проблемә чеврилиб вә онун достлары бу һагда башгалары илә данышмаға чәкинирләр. О демишди: «Раһат баша дүшүлән вә асан тәтбиг едилән мәсләһәтләр вердијинизә ҝөрә сизә тәшәккүр едирәм».

Валидејнләр дә бу вәсаити тәрифләдиләр. Бир ана евинә ҝәлән Јеһованын Шаһидләринә журнал үчүн өз тәшәккүрүнү билдирәрәк демишди: «Бу фајдалы мәсләһәтләр гызымын мәктәбдә јахшы охумасына көмәк едәҹәк».

Јеһованын Шаһидләринин Таиланддакы нүмајәндәси Пичај Петратјотин демишди: «“Ојанын!” журналында заманын сынағындан чыхмыш Мүгәддәс Китабын һикмәтли мәсләһәтләри јерләшир. Бу мәсләһәтләр индики дөврдә дә инсанлара көмәк едир. Јеһованын Шаһидләри тәһсилә чох дәјәр верирләр. Буна ҝөрә дә биз чох шадыг ки, һәр кәс журналын бу сајыны пулсуз әлдә етди».