Австралијада доггуз Јеһованын Шаһидинә иммигрантларын сахланылдығы ән бөјүк һәбсханалардан бириндә сахланылан шәхсләрә ҝөстәрдикләри «әвәзсиз хидмәтә» ҝөрә Дерби шәһәри (Гәрби Австралија) јахынлығында јерләшән Картин адына Иммигрантларын Сахланма Мәркәзи тәрәфиндән тәшәккүрнамә верилди *.

Һәр һәфтә Јеһованын Шаһидләри онлара баш чәкир, онларын һәјат һекајәләрини динләјир вә Мүгәддәс Китабдакы тәсәлли вә үмид хәбәрини пајлашырлар. Дини вә мәдәни әлагәләр үзрә мәсул шәхс Кристофер Ридок дејир: «Онларын бу зијарәтләри гыса вахт әрзиндә өз мүсбәт тәсирини ҝөстәрир». О билдирмишди ки, бу адамлар ҝәлиб-ҝедәндән сонра сахланылан шәхсләрин үзү ҝүлүр, ејни ачылыр. Чүнки онлар «кәнардан кимләринсә онларын рифаһыны дүшүндүјүнү ҝөрүрләр».

Кристофер Ридок ону да гејд етди ки, Јеһованын Шаһидләринә верилән тәшәккүрнамә «һимајәмиз алтында олан инсанларын һәјатыны јахшылыға доғру дәјишдикләри үчүн» онлара олан миннәтдарлығымызын кичик тәзаһүрүдүр. О әлавә етди ки, Јеһованын Шаһидләринин бу хејирхаһ әмәли онларын «аиләләри, јығынҹаглары вә ибадәтләри барәдә» инсанда хош тәәссүрат ојадыр.