Јеһованын Шаһидләринин Мексикадакы чапханасы артыг једдинҹи илдир ки, «Еколожи ҹәһәтдән тәмиз мүәссисә» сертификаты илә тәлтиф олунур.

26 сентјабр 2012-ҹи ил тарихиндә Мексика һөкумәти Јеһованын Шаһидләрини «әтраф мүһитин гајғысына галдыгларына вә ону мүһафизә етдикләринә ҝөрә» хүсуси сертификатла тәлтиф етмишдир.

«Еколожи ҹәһәтдән тәмиз мүәссисә» програмынын мәгсәди мүәссисәләрә әтраф мүһитә зәрәр вурмадан инкишаф етмәјә көмәк етмәкдир. Гејри-коммерсија тәшкилаты олмаларына бахмајараг, Јеһованын Шаһидләри һәр ил бу програмда иштирак едирләр. Мексикадакы чапхананын нүмајәндәси демишди: «“Еколожи ҹәһәтдән тәмиз мүәссисә” сертификатыны алмаг үчүн истеһсал просесимиз вә мәһсулумуз әтраф мүһит үзрә јерли нормативләрин једди ҝөстәриҹисинә ујғун ҝәлмәлидир. Бу ҝөстәриҹиләр бунлардыр: һава, су, мәишәт туллантылары, тәһлүкәли туллантылар, тәһлүкәсизлик, електрик енержиси, еләҹә дә еколожи тәһсил вә маарифләндирмә. Сәнаје мүәссисәләринин бу програмда иштиракы мүтләг дејил. Биз көнүллү олараг она гатылырыг».

Јер күрәсинин зәриф екосистеминә зәрәр вурмамаг үчүн дүнјанын һәр јериндә Јеһованын Шаһидләри әлләриндән ҝәләни әсирҝәмирләр.