2015-ҹи ил нојабрын 30-дан декабрын 12-нә кими кечирилән БМТ-нин Иглим Дәјишиклији үзрә Конфрансында 195 милләтдән олан нүмајәндәләр инсан фәалијјәтинин әтраф мүһитә вурдуғу зәрәри неҹә азалда биләҹәкләрини мүзакирә етмәк үчүн Парисдә (Франса) топлашдылар. Һөкумәт нүмајәндәләри, алимләр, әтраф мүһит мүһафизәчиләри вә бизнесменләр дә дахил олмагла, 38 000-дән чох инсан бу конфрансда иштирак етди. Он минләрлә диҝәр инсанлар исә иглим дәјишиклији барәдә даһа чох өјрәнмәк үчүн јахынлыгдакы иҹтимаи информасија мәркәзләрини зијарәт етдиләр.

Јеһованын Шаһидләри бу конфрансда иштирак етмәсәләр дә, әтраф мүһитин мүһафизәсини дәстәкләдиләр. Јүзләрлә Јеһованын Шаһиди Парисдә хүсуси кампанијада иштирак етди вә Мүгәддәс Китабын еколожи ҹәһәтдән тәмиз планетдә јашамаг барәдә үмидвериҹи хәбәрини инсанларла бөлүшдүләр.

Бир Јеһованын Шаһиди нәглијјатда ҝедәркән милли ҝејимдә олан бир перулу илә сөһбәт едир. Һәмин адам дејир ки, о, ҝөзәл мәнзәрәли дағ јериндә јашајыр вә сағламлығы јериндәдир. Бунунла белә, планетимизин ҝәләҹәји ону нараһат едир. Ешитдији бу үмидвериҹи хәбәр она тәсир етди, о севинди вә рәсми сајтымыз олан www.pr418.com сајтынын визит картыны ҝөтүрдү.

Гатарда ҝедән ики Јеһованын Шаһиди америкалы әтраф мүһитин мүһафизәчиси илә сөһбәт едир. Һәмин адам Јеһованын Шаһидләринин Уолкиллдәки (Нју-Јорк, АБШ) ики јени биналарынын тикинтисинә вә еколожи ҹәһәтдән давамлылығына ҝөрә ики дәфә дөрдлү «Јашыл Глобус» мүкафаты илә тәлтиф олундуғуну ешидәндә тәәҹҹүбләнди. О да визит картымызы мәмнунијјәтлә ҝөтүрдү.

Јеһованын Шаһидләринин әтраф мүһитин мүһафизәси илә сәмими марагландығыны ҝөрән бир чохлары веб-сајтымыза дахил олаҹагларына сөз вердиләр. Канададан олан бир нүмајәндә Шаһидләрин Уорвикдә (Нју-Јорк) јени баш идарәләринин әразисиндәки шәрг мави гушунун јува салдығы әразини горумаг үчүн әлләриндән ҝәләни етдијини биләндә белә деди: «Әтраф мүһити мүһафизә етмәздән габаг мән орнитолог идим. Һеч билмәздим ки, Јеһованын Шаһидләри ҹанлы варлыглара бу гәдәр дәјәр верир. Мән сизин әдәбијјатларынызы охујаҹағам вә сизи јахындан танымаг үчүн веб-сајтыныза дахил олаҹағам!»