Јеһованын Шаһидләри Аллаһа вә инсанлара севҝидән ирәли ҝәләрәк Мүгәддәс Китабдакы хош хәбәри бүтүн инсанларла, о ҹүмләдән әввәлләр «мәнә мараглы дејил» демиш инсанларла белә бөлүшүрләр (Мәтта 22:37—39). Аллаһа мәһәббәт бизи Иса Мәсиһин «әтрафлы шәһадәт [верин]» әмринә риајәт етмәјә тәшвиг едир (Һәвариләрин ишләри 10:42; 1 Јәһја 5:3). Буна ҝөрә дә биз Аллаһдан олан хәбәри, гәдим дөврдә јашајан пејғәмбәрләр кими, дөнә-дөнә чатдырырыг (Әрәмја 25:4). Инсанлары севдијимиз үчүн биз хилас хәбәри олан «Падшаһлыг һаггындакы... мүждә»ни һамыја, илк дәфәдән марагланмајан инсанлара белә чатдырырыг (Мәтта 24:14).

Биз әввәлләр етираз етмиш инсанларын јашадығы евләрә тәкрар ҝәләндә орада марагланан инсанлар тапырыг. Бунун үч сәбәби вар:

• Мәнзилә јени инсанлар көчүр.

• Аиләнин диҝәр үзвләри мараг ҝөстәрир.

• Инсанларын бахышлары дәјишир. Дүнјада баш верән һадисәләрә вә ја үзләшдији вәзијјәтләрә ҝөрә ев сакини «Аллаһа еһтијаҹы олдуғуну» баша дүшә вә Мүгәддәс Китабдан чатдырдығымыз хәбәрә һај верә биләр (Мәтта 5:3). Һәтта һәвари Булус кими, Аллаһын халгыны тәгиб етмиш инсан белә мүнасибәтини дәјишә биләр (1 Тимутијә 1:13).

Әлбәттә, биз истәмәздик ки, чатдырдығымыз мүждәни инсанлара ҝүҹлә јеридәк (1 Бутрус 3:15). Биз баша дүшүрүк ки, һәр инсан ибадәт мәсәләсиндә өзү гәрар вермәлидир (Ганунун тәкрары 30:19, 20).