Бир чох инсанлар хачы Иса Мәсиһин давамчыларынын рәмзи һесаб едир. Јеһованын Шаһидләри онун давамчылары олсалар да, хача ибадәт етмирләр. Нијә?

Бунун сәбәбләриндән бири одур ки, Мүгәддәс Китабда дејилдији кими, Иса хачын јох, ади шалбанын үзәриндә едам едилиб. Бундан әлавә, Аллаһын Кәламы бирмәналы шәкилдә «бүтпәрәстликдән [гачмағы]» әмр едир вә әлбәттә ки, бу, хача ибадәт етмәк мәсәләсинә дә аиддир (1 Коринфлиләрә 10:14; 1 Јәһја 5:21).

Иса Мәсиһин дедији нөвбәти сөзләр дә бөјүк әһәмијјәт кәсб едир: «Аранызда мәһәббәт олса, һамы биләҹәк ки, сиз мәним шаҝирдимсиниз» (Јәһја 13:34, 35). Бунунла Иса ҝөстәрди ки, онун әсил давамчыларыны фәргләндирән ҹәһәт хач вә ја һансыса башга рәмз јох, фәдакар мәһәббәт олаҹагдыр.