Həvari Bulus Titusa yazmışdı ki, cavan kişilər, eləcə də Titus özü «yaxşı işlər görərək hər sahədə... nümunə» olsun (Tt 2:6, 7). Elə həmin fəsildə Bulus göstərmişdi ki, Yehovanın xalqı yaxşı işlərə can atmaq üçün təmizləniblər (Tt 2:14). Bu yaxşı işlərdən biri Allahın Padşahlığı haqqında təlim vermək və təbliğ etməkdir. Əgər siz də gəncsinizsə, gücünüzü öncül, köməkçi öncül kimi xidmət etməyə sərf edə bilərsiniz? (Ms 20:29).

Öncül kimi xidmət etmək üçün işlərinizi düzgün planlaşdırın (Lk 14:28—30). Məsələn, tamvaxtlı xidmət edərkən özünüzü necə təmin edəcəksiniz? Saat normasını necə çatdıracaqsınız? Vəziyyətiniz barədə Yehovaya dua edin (Zb 37:5). Planlarınızı valideynlərinizlə və ya öncül xidmətini uğurla icra edən məsihilərlə müzakirə edin. Sonra isə məqsədinizə çatmaq üçün addımlar atın. Yehova xidmətdə çəkdiyiniz zəhməti mütləq mükafatlandıracaq!

«YEHOVAYA ŞƏRƏF GƏTİRƏN GƏNCLƏR» ADLI VİDEOYA BAXANDAN SONRA NÖVBƏTİ SUALLARA CAVAB VERİN:

• Bəzi məsihilərə öncül xidmətinə başlamağa nələr mane olurdu və onlar bu maneələri necə aşdılar?

• Valideynlər övladlarına öncül olmağa necə kömək edə bilərlər?

• Təbliğ cədvəli tutmaq nəyə görə vacibdir?

• Yığıncaq üzvləri öncüllərə necə kömək edə bilər?

• Öncül kimi xidmət edənlər hansı mükafatları alıblar?