NƏ ÜÇÜN VACİBDİR? Əbədi həyata aparan yolda yeriməyə meyli olan insanların ürəyinə səpilən həqiqət toxumlarını Yehova böyüdür (Hv 13:48; 1Kr 3:7). Biz diqqətimizi öyrəndiklərinə uyğun yaşamaq istəyən insanlara cəmləməklə Yehova ilə əməkdaşlıq edirik (1Kr 9:26). Müqəddəs Kitab dərsi keçdiyimiz insanlar başa düşməlidir ki, xilas üçün vəftiz olunmaq mütləqdir (1Bt 3:21). Bu insanlara həyatlarında dəyişiklik etməyi, təbliğ etməyi və dərs keçməyi öyrətməklə, həmçinin həyatlarını Yehovaya həsr etməyə təşviq etməklə onlara Məsihin şagirdi olmağa kömək edirik (Mt 28:19, 20).

NECƏ ETMƏLİ?

• Müqəddəs Kitab dərsi keçdiyiniz insanlara xatırladın ki, dərs keçməyinizdə məqsəd onlara Yehovanı tanımağa və Onu razı salmağa kömək etməkdir (Yh 17:3)

• Onlara pis vərdişlər və pis dostlar kimi maneələri aşaraq ruhani cəhətdən inkişaf etməyə kömək edin

• Həm vəftizdən əvvəl, həm də vəftizdən sonra onları ürəkləndirin və ruhlandırın (Hv 14:22)

«YEHOVA ALLAH SƏNƏ KÖMƏK EDƏCƏK» ADLI VİDEOYA BAXANDAN SONRA AŞAĞIDAKI SUALLARA CAVAB VERİN:

• Hansı səbəblərə görə insan həyatını Yehovaya həsr edib vəftiz olunmağa qorxa bilər?

• Ağsaqqallar Müqəddəs Kitabı öyrənənlərə ruhani cəhətdən inkişaf etməyə necə kömək edə bilər?

• Əşiya 41:10 ayəsindən Yehova barədə nə öyrənirik?

• Qeyri-kamil olsaq da, hansı keyfiyyətlər sayəsində Yehovaya məqbul şəkildə ibadət edə bilərik?