Sentyabr ayı ərzində bacardığımız qədər çalışacağıq ki, hər kəsə «Əbədi xoşbəxt həyat!» broşürü vasitəsilə Müqəddəs Kitab dərsi keçməyi təklif edək. Təbliğçilər 30 saatlıq norma ilə köməkçi öncül kimi xidmət edə bilərlər. Bu xüsusi kampaniya zamanı necə xidmət edəcəyik?

• İlk söhbət zamanı. Broşürün son səhifəsindən istifadə edərək həmsöhbətinizdə maraq oyadın və Müqəddəs Kitab dərsinin necə keçirildiyini ona göstərin. Əvvəllər maraq göstərmiş, eləcə də təkrarən baş çəkməli olduğunuz kəsləri də unutmayın. Hətta onlar əvvəllər Müqəddəs Kitabı öyrənmək istəməsələr də, ola bilsin, yeni təlim üsulumuz və yeni broşür onlara maraqlı gələcək. Evdə olmayan kəslər üçün broşür saxlamaq və ya əvvəllər maraq göstərməyən insanlara məktubla birgə broşür göndərmək lazım deyil. Yığıncağın xidmət komitəsi ay ərzində təbliğ üçün əlavə görüşlər təşkil edə bilər.

• Digər üsullar. Əgər sizin yığıncağınız ədəbiyyat arabaları ilə təbliğ edirsə, «Əbədi xoşbəxt həyat!» broşürünü də arabaya qoyun. Maraq göstərənlərə məlumat verin ki, bu broşür vasitəsilə pulsuz Müqəddəs Kitab dərsi də keçilir. Dərsin necə keçildiyini elə söhbət əsnasında qısaca göstərin, yaxud da sonra göstərmək üçün vaxt təyin edin. Xidmət nəzarətçisi təcrübəli təbliğçilərə işgüzar ərazilərə gedib, orada Müqəddəs Kitab dərsi təklif etməyi tapşıra bilər. Həmçinin iş yoldaşlarınıza, yaxud qeyri-formal şahidlik etdiyiniz kəslərə də dərs keçməyi təklif edə bilərsiniz.

İsa Məsih bizə şagird hazırlamağı, onları öyrətməyi buyurub (Mt 28:19, 20). Gəlin bu xüsusi kampaniya zamanı «Əbədi xoşbəxt həyat!» broşürü vasitəsilə Məsihin bu tapşırığını canla-başla icra edək!