Axırzamanın lap axırında yaşadığımız üçün bilirik ki, bədbəxtliklər daha da çoxalacaq (2Tm 3:1; nwtsty-E Mt 24:8 ayəsi üçün olan şərh). Fəlakət baş verəndə Yehovanın xalqı vaxtlı-vaxtında göstərişlər alır və bu onların həyatını xilas edir. Həmin vaxtlarda sağ qalmaq üçün indidən itaət göstərərək həm ruhani cəhətdən hazırlaşın, həm də lazımi tədarük görün (Lk 16:10).

• Ruhani cəhətdən hazırlaşın. Yaxşı ruhani vərdişlərə yiyələnin. Xidmətin müxtəlif növlərini öyrənin. Yığıncaqdan bir müddət ayrı düşəndə təlaşa qapılmayın (Əş 30:15). Sizin heç vaxt Yehova və İsa ilə əlaqəniz kəsilməyəcək (od s. 175—176, abz. 15—17).

• Lazımi tədarük görün. Hər evdə fəlakət çantasından savayı, ehtiyatda kifayət qədər ərzaq, su, dərman və sairə şeylər olmalıdır ki, uzun müddət sığınacaqda qalmaq lazım gəlsə, onlardan istifadə edilsin (Ms 22:3; g17.5 s. 4, 6).

«TƏBİİ FƏLAKƏTLƏRƏ HAZIRSINIZ?» ADLI VİDEOYA BAXANDAN SONRA SUALLARA CAVAB VERİN:

• Fəlakətlərə ruhani cəhətdən necə hazırlaşa bilərik?

• Nəyə görə...

  • ağsaqqallara ən son əlaqə nömrəmizi və ünvanımızı verməliyik?

  • fəlakət çantası hazırlamalıyıq?

  • ərazimizdə hansı fəlakətlərin ola biləcəyini və hər vəziyyətdə nə edəcəyimizi müzakirə etməliyik?

• Fəlakətlə üzləşən bacı-qardaşlarımıza necə kömək edə bilərik?

DÜŞÜNÜN: «COVID-19 pandemiyasından fəlakətə hazırlaşmaqla bağlı nə öyrənirəm?»