İsa Məsih xidmət edərkən cari hadisələrdən nümunə çəkirdi (Lk 13:1—5). Siz də insanlarda müjdəyə maraq oyatmaq üçün cari hadisələrdən misal çəkə bilərsiniz. Bahalığı, təbii fəlakətləri, iğtişaşları, narkomaniyanı və bu kimi şeyləri misal çəkəndən sonra sual verərək insanı düşündürün. Soruşun: «Sizcə, nə vaxtsa filan problemin sonu olacaq?», yaxud «Sizcə, filan problemin həlli nədədir?» Sonra mövzuya uyğun ayə oxuyun. İnsan maraq göstərərsə, Xidmət üçün vəsaitlərdən bir nəşr, yaxud video göstərin. Gəlin müjdə naminə əlimizdən gələni edərək ərazimizdəki insanların ürəyinə yol tapmağa çalışaq (1Kr 9:22, 23).

Sizin ərazinizdə insanları hansı mövzular maraqlandırır?