1964-cü ildə məni xüsusi öncül kimi Manokvariyə (Qərbi Papua) təyin elədilər. Yerli din xadimləri oradakı kiçik yığıncağa şiddətli müqavimət göstərmişdi. Bura çatar-çatmaz protestant din xadimi evimə soxulub kükrədi:

— Bu evi sənin başına uçuracağam! Qoymayacağam Manokvaridə bir nəfər də olsun Yehovanın Şahidi qalsın.

Əvvəllər polis olduğum üçün bu sözlər məni qorxutmadı. Ona təmkinlə cavab verdim. Nəticədə sakitləşib getdi (1 But. 3:15).

Əlli il əvvəl Manokvaridə səkkiz təbliğçi var idi. Bu gün isə burada yeddi yığıncaq fəaliyyət göstərir. 2014-cü ildə keçirilən böyük toplantıda isə 1200 nəfər iştirak etmişdi. Yehovanın bu ucqar ərazi üçün nələr etdiyini görəndə ürəyim dağa dönür.