DƏRS 21
Xoş xəbərin müjdəçiləri
Yehova Öz Padşahlığı vasitəsilə bütün problemləri tezliklə aradan qaldıracaq. Bu, çox sevindirici xəbərdir. Onu hər kəsə müjdələmək lazımdır. İsa istəyirdi ki, davamçıları bu xəbəri insanlara bəyan etsin (Mətta 28:19, 20). Yehovanın Şahidləri İsanın bu əmrini necə yerinə yetirir?
1. Mətta 24:14 ayəsindəki peyğəmbərlik bu gün necə yerinə yetir?
İsa Məsih qabaqcadan demişdi: «Padşahlıq haqqındakı bu müjdə... bütün yer üzündə təbliğ ediləcək» (Mətta 24:14). Yehovanın Şahidləri bu vacib işi böyük sevinclə yerinə yetirir. Biz müjdəni bütün dünyada 1000-dən çox dildə təbliğ edirik. Bu işi həyata keçirmək üçün böyük güc və təşkilatçılıq tələb olunur. Yehovanın köməyi olmadan bu mümkün olmazdı.
2. Hansı üsullarla təbliğ edirik?
Biz müjdəni insanlara hər yerdə çatdırırıq. Birinci əsrdə yaşamış ilk məsihilər kimi, «ev-ev» təbliğ edirik (Həvarilərin işləri 5:42). Bu üsulun sayəsində hər il milyonlarla insanla söhbət edirik. Amma insanlar həmişə evdə olmurlar. Buna görə də ictimai yerlərdə də təbliğ edirik. Bir sözlə, biz hər fürsətdən istifadə edib insanlara Yehova barədə və Onun niyyətləri haqda danışırıq.
3. Müjdəni təbliğ etmək kimin məsuliyyətidir?
Müjdəni təbliğ etmək əsl məsihilərin hamısının məsuliyyətidir. Biz bu məsuliyyətə ciddi yanaşırıq. Başa düşürük ki, bu xəbər insanların həyatını xilas edir. Buna görə də bacardığımız qədər çox təbliğ etməyə çalışırıq. (1 Timutiyə 4:16 ayəsini oxuyun.) Biz bu işi görmək üçün pul almırıq, çünki Müqəddəs Kitabda deyilir: «Təmənnasız almısınız, təmənnasız da verin» (Mətta 10:7, 8). Hamı müjdəni qəbul etmir. Buna baxmayaraq, biz təbliğə davam edirik. Çünki bu, ibadətimizin ayrılmaz hissəsidir və təbliğ etməklə biz Yehovanı sevindiririk.
D Ə R İ N L İ Y Ə V A R I N
Görün Yehovanın Şahidləri bütün dünyada necə təbliğ edir və Yehova bu işdə onlara necə kömək edir.
Bütün dünyada təbliğ: A) Kosta-Rika, B) ABŞ, C) Benin, Ç) Tailand, D) Yap, E) İsveç
4. Hamıya təbliğ etmək üçün var gücümüzlə çalışırıq
Yehovanın Şahidləri əllərindən gələni edirlər ki, xoş xəbəri bütün dünyada yaşayan insanlara çatdırsınlar. VİDEOYA baxın və növbəti sualı müzakirə edin:
-
Yehovanın Şahidlərinin təbliğə münasibətində sizin nə xoşunuza gəlir?
Mətta 22:39 və Romalılara 10:13—15 ayələrini oxuyun. Sonra növbəti sualları müzakirə edin:
-
Təbliğ işimizdən insanları sevdiyimiz necə görünür?
-
Yehova müjdəni təbliğ edənlərə necə yanaşır? (15-ci ayəyə baxın.)
5. Biz «Allahın əməkdaşlarıyıq»
Bir çox hadisələr göstərir ki, Yehova təbliğ işini idarə edir. Məsələn, Yeni Zelandiyada Pol adlı qardaş günorta vaxtı ev-ev təbliğ edəndə bir qadınla rastlaşmışdı. Elə həmin gün səhər bu qadın Yehovanın adını çəkərək dua etmişdi, yalvarmışdı ki, kimsə ona baş çəksin. Pol deyir: «Üç saat sonra mən onun qapısını döydüm».
1 Korinflilərə 3:6, 9 ayələrini oxuyun və növbəti sualı müzakirə edin:
-
Bu və buna bənzər hadisələr Yehovanın təbliğ işini idarə etdiyini necə göstərir?
Həvarilərin işləri 1:8 ayəsini oxuyun və növbəti sualı müzakirə edin:
-
Nəyə görə təbliğ işini həyata keçirmək üçün Yehovanın köməyinə ehtiyacımız var?
Bilirsiniz?
Həftəarası görüşlərimizdə biz hər həftə təbliğ işi ilə bağlı təlim alırıq. Bu görüşlərdən birində iştirak etmisinizsə, orada verilən təlimlə bağlı nə düşünürsünüz?
6. Biz Allahın əmrinə tabe oluruq
Birinci əsrdə əleyhdarlar çalışırdı ki, İsa Məsihin davamçıları təbliği dayandırsın. Amma ilk məsihilər təbliğ etmək hüquqlarını müdafiə edirdilər. Bunun üçün onlar müjdənin qanuni tanınmasına çalışırdılar (Filippililərə 1:7). Bu gün Yehovanın Şahidləri də eyni şeyi edir a.
Həvarilərin işləri 5:27—42 ayələrini oxuyun və növbəti sualı müzakirə edin:
-
Nəyə görə təbliğ işini dayandırmayacağıq? (29, 38 və 39-cu ayələrə baxın.)
BƏZİ İNSANLAR SORUŞUR: «Nəyə görə Yehovanın Şahidləri ev-ev təbliğ edir?»
-
Necə cavab verərdiniz?
İCMAL
İsa Məsih davamçılarına buyurub ki, müjdəni bütün insanlara təbliğ etsinlər. Yehova bu işdə Öz xalqına dəstək olur.
Təkrar
-
Müjdə bütün dünyada necə təbliğ olunur?
-
Təbliğ işimizdən insanları sevdiyimiz necə görünür?
-
Sizcə, təbliğ işi ürəkaçan işdir? Nəyə görə belə düşünürsünüz?
Ə L A V Ə M Ə L U M A T
Yehovanın Şahidləri böyük şəhərlərdə insanlara necə təbliğ edir?
Yehovanın Şahidləri qaçqınlara necə təbliğ edir?
Görün bir bacımız həyatını təbliğ işinə həsr etdiyi üçün hansı hissləri keçirir.
Təbliğ işimizi asanlaşdıran mühüm məhkəmə qərarları haqda oxuyun.
«Padşahlığın müjdəçiləri hakimlər qarşısında» («Allahın Padşahlığı hökmranlıq edir!», fəsil 13)
a Təbliğ etmək Allahın buyruğudur. Buna görə də Yehovanın Şahidləri hökumətin icazəsindən asılı olmayaraq, xoş xəbəri təbliğ edir.
Həmçinin sizin üçün maraqlı ola bilər
TEZ-TEZ VERİLƏN SUALLAR
Yehovanın Şahidlərinin təklif etdiyi Müqəddəs Kitab dərsləri nədir?
Yehovanın Şahidlərinin təklif etdiyi interaktiv dərslərdə istədiyiniz Müqəddəs Kitab tərcüməsindən istifadə edə, eləcə də bütün ailənizi və dostlarınızı dərslərə dəvət edə bilərisiniz.
